Գերմանիան ափսոսում է Իրանի կառավարության հայտարարության առիթով եւ կոչ անում Թեհրանին որեւէ «ագրեսիվ քայլ» չձեռնարկել։ Այս մասին ասել է Գերմանիայի ԱԳՆ ղեկավարը՝ մեկնաբանելով Իրանի հայտարարությունը միջուկային համաձայնագրի իր որոշ պարտավորությունները չկատարելու մասին, տեղեկացնում է Reuters-ը։

Գերմանիայի ԱԳՆ ներկայացուցիչը հավելել է, որ Բեռլինը ցանկանում է պահպանել միջուկային գործարքը Իրանի հետ։ Նրա խոսքով՝ Բեռլինը հավատարիմ կմնա իր պարտավորություններին, մինչեւ որ Իրանն անի նույնը։

Իրանի հետ միջուկային համաձայնագրից ԱՄՆ դուրս գալուց մեկ տարի հետո Իրանի նախագահ Ռոհանին հայտարարել է իր պարտավորությունների մասնակի դադարեցման մասին՝ վկայակոչելով, որ դա նախատեսված է համաձայնագրով։