News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը


Այդ առումով ոչ մի բան չի փոխվել, որովհետեւ դա մեծ համակարգային փոփոխությունների արդյունք պետք է լիներ եւ դեռ շատ վաղ է դրա մասին գնահատական տալը: Այս մասին, այսօր՝ մայիսի 9-ին, Եռաբլուրում լրագրողների հետ զրույցում ասաց «Լուսավոր Հայաստան» խմբակցության ղեկավար Էդմոն Մարուքյանը՝ պատասխանելով հարցին, թե նախորդ իշխանությունների օրոք հայտարարել էր, թե մեր բանակը գյուղացիաբանվորական բանակ է, հիմա է՞լ է նույն կարծիքին:

«Մեկ տարվա մեջ չի կարող բանակի ներքին կառուցվածքը, զորակոչի տրամաբանությունը փոխվել: Այն, որ այս օրերին դժվար է փողով բանակից ազատվելը, դրանում վստահ եմ: Այդ արատավոր երեւույթների սողանցքները պետք է փակել եւ փակվում են, բայց, որ ասենք բանակի ներքին կառուցվածքը փոխվել է, դա վաղ դատողություն կլինի»,- ասաց Մարուքյանը:

Անդրադառնալով դիտարկմանը, թե Նիկոլ Փաշինյանն իր մեկ տարվա գործունեության ամփոփիչ ասուլիսում հայտարարել է, որ այսօր տնից զինվորին ներքնազգեստ ուղարկելու կարիքը վերացել է ու զինվորն ունի ներքնազգեստ, Մարուքյանն արձագանքեց. «Ես չեմ հիշում ժամանակաշրջան, որ զինվորը մայկա-տռուսիկ չունենար: Կարծում եմ՝ վարչապետը որոշակի փոխաբերական իմաստով է ասել: Ծնողը հիմա էլ է ուղարկում, միշտ էլ ուղարկել է ու ուղարկելու է»:

«Եթե Արցախում 100 մլն դոլարի ներդրում արված լիներ առաջնագծում, ապրիլին այդքան զոհ չէինք ունենա: Բայց դա չի արվել, իսկ վստահաբար մարդիկ են եղել ու կան, որ միլիոնավոր դոլարներ են աշխատել: Վարչապետի ասածն այս համատեքստում պետք է դիտարկել»,- ասաց նա՝ հավելելով, որ եթե հայտարարվում է հանցագործությունների մասին, պետք է լինեն նաեւ մեղադրյալներ, քրեական գործեր, սակայն արվում են անհետեւանք հայտարարություններ:

Հարցին՝ այդ բացերը լրացվո՞ւմ են, առաջնագծում ներդրումներ արվո՞ւմ են, Մարուքյանը պատասխանեց. «Սահմանում ներդրումներն արվել են Ապրիլյան պատերազմից անմիջապես հետո, բավականին լուրջ աշխատանքներ են տարվել, հիմա կարծում եմ՝ այդ տրամաբանության մեջ ենք, դա շարունակվում է: Բացթողումները վերականգնելու առումով որ կամք կա, անկեղծ, դա միանշանակ է, բայց, թե որքան կա կոմպետեցիա ամեն բացթողման դեմն առնելու շատ արագ, դրանում համոզված չեմ»,- նշեց նա:

Դիտարկմանը՝ հիմա կարիք կա՞, որ ծնողներն էլի զինվորներին իրեր են ուղարկում, Մարուքյանն ասաց, որ զինվորներ կան, որ ասում են՝ ուղարկեք, ծնողներն էլ ուղարկում են. «Պետությունը չի կարող դա արգելել, բայց պետությունն իր մասով ապահովում է»:

Տպել
Կարդացեք նաև
Ամբողջը
Զոհվածների տեղեկանքները հետ ենք տալու՝ մեր որդիներին պահանջենք. Մարգարիտա Խաչատրյանը կրկին Կառավարության դիմաց է
Զանգում եմ իր մամուլի խոսնակին, ինձ ասում է՝ տիկին Մարգարիտա ջան, մենք ձեզ հետ կզանգենք, ու մինչեւ օրս հետ չի զանգել…
«Մենք 1,5 տարում այս պրոցեսը 19 տարով հետ ենք տարել». Փաշինյանը՝ 1000 դրամների հիմնադրամի գործունեության մասին
Սա արդեն թվով երրորդ նման որոշումն է, որ գործողության ժամկետի առումով հետ ենք գնում եւ հասել ենք արդեն 1998 թվականին…
Հունվարի 1-ից նախատեսվում է փոխհատուցել նաեւ 1998 թվականից տեղի ունեցած դեպքերի զինծառայողների հարազատներին
Չափազանց կարեւոր որոշում` հազարավոր ընտանիքների համար…
Հայաստանում 2019-ին նախորդ տարվա համեմատությամբ երկու անգամ կրճատվել են ժամկետային ծառայության զինվորների մահվան դեպքերը
Նրա խոսքով՝ 2018-ին գրանցվել է նման 28 դեպք...
Փոփոխվեց նշանակալի նվաճումներ ունեցողներին պարտադիր զինծառայությունից տարկետում տալու կարգը
Որոշմամբ հստակեցվել են քաղաքացիների կողմից դիմումներ ներկայացնելու ժամկետները...
ՀՀ Զինված ուժերում ներդրվում է դաշտային նոր համազգեստի տեսակ
Նախատեսվում է Զինված ուժերի զինծառայողների իրային ապահովման չափաքանակներում ներառել դաշտային նոր համազգեստի տեսակ՝ մինչեւ սեզոնային բաճկոնը...
Ֆոտոռեպորտաժներ