ԱՄՆ պետքարտուղար Մայք Պոմպեոն Գրենլանդիա այցը չեղարկել է, որպեսզի Վաշինգտոն վերադառնա Իրանի հետ հարաբերությունների լարվածության էսկալացիայի ֆոնին, փոխանցում է AP-ն:
Պոմպեոն Եվրոպա ուղեւորությունը պետք է ավարտեր հինգշաբթի Գրենլանդիա այցելելով՝ ուղղված Թրամփի վարչակազմի արկտիկական քաղաքականության առաջմղմանը:
Պետքարտուղարությունից հայտարարել են, որ Պոմպեոն դեռեւս մտադիր է վերականգնել «Գրենլանդիայում ԱՄՆ մշտական դիվանագիտական ներկայությունը»:
Եվրոպայում շրջագայության շրջանակում Պոմպեոն չեղարկել էր նաեւ Գերմանիա այցը՝ դրա փոխարեն թռչելով Բաղդադ Իրաքի առաջնորդների հետ հանդիպելու:
Նշենք, որ ԱՄՆ-ն նախօրեին Իրանի դեմ նոր պատժամիջոցներ է սահմանել, որոնք վերաբերում են մետաղագործական արդյունաբերությանը: Մինչ այդ Վաշինգտոնը հայտարարել էր, որ որպես Թեհրանին «նախազգուշացում» Մերձավոր Արեւելք է ուղարկում ավիակիր եւ ռմբակոծիչներ: ԱՄՆ վարչակազմը պնդում է, որ Թեհրանն իբր տարածաշրջանում ամերիկացի զինվորականների վրա հարձակում էր պատրաստել: