Մերձավոր Արեւելքում ԱՄՆ ՌԾՈՒ հրամանատարը հայտարարել է, որ անհրաժեշտության դեպքում ավիակիր կուղարկի Հորմուզի նեղուց, չնայած Իրանի սպառնալիքներին, որոնց մասին հայտնում է ամերիկյան հետախուզությունը, փոխանցում է Reuters-ը:
Բահրեյնում բազավորված ԱՄՆ ՌԾՈՒ 5-րդ նավատորմի հրամանատար, փոխծովակալ Ջիմ Մալլոյը չի խոսել այն մասին, թե արդյոք Հորմուզի նեղուց «Աբրահամ Լինքոլն» ավիակրի հարվածային խո՞ւմբ կուղարկի, որով անցնում է աշխարհում սպառվող նավթի 5-րդ մասը: «Եթե նման անհրաժեշտություն ծագի, ես դա կանեմ»,- ասել է Մալլոյը՝ հավելելով. «Ես ոչ մի կերպ սահմանափակված չեմ»:
Հիշեցնենք, որ ԱՄՆ-ն Իրանի դեմ նոր պատժամիջոցներ է սահմանել, որոնք վերաբերում են մետաղագործական արդյունաբերությանը: Մինչ այդ Վաշինգտոնը հայտարարել էր, որ որպես Թեհրանին «նախազգուշացում» Մերձավոր Արեւելք կուղարկի ավիակիր եւ ռմբակոծիչներ: ԱՄՆ վարչակազմը պնդում է, որ Թեհրանն իբր տարածաշրջանում ամերիկացի զինվորականների վրա հարձակումներ էր պատրաստել:
Նշենք, որ Թրամփը նախօրեին բացառել էր Իրանի հետ ռազմական առճակատումը: Սակայն Իրանի առաջնորդներին կոչ էր արել բանակցությունների սեղանի շուրջ նստել եւ քննարկել նոր համաձայնագիրը: