News
Լրահոս
News
Չորեքշաբթի
Հուլիս 17
Տեսնել լրահոսը

Ստամբուլի քաղաքապետի նոր ընտրությունների անցկացման մասին որոշումը խաթարում է Թուրքիայի առանց այդ էլ խարխլված ժողովրդավարությունը:

Չնայած բոլոր թերություններին՝ Թուրքիան 1946 թվականից սկսած հնարավորություն է ունեցել բազմակուսակցական ընտրություններ անցկացնել, որոնք ընդունվել են բոլորի կողմից:  Այժմ այդ գործընթացի նկատմամբ վստահությունը վերացել է, գրում է Foreign Policy-ն:

Ընտրությունները կարգավորող կանոնները պատահական են դարձել, ինչը խաթարում է քաղաքացիների վստահությունը ամենահիմնարար ժողովրդավարական գործընթացի նկատմամբ:

Իսակապես, վերաիմաստավորելով իր նախկին դատական պրակտիկան Թուրքիայի ընտրական հանձնաժողովը իր որոշումը հիմնել է այն փաստի վրա, որ քվեարկության համար հանձնաժողովներն անօրինական են ձեւավորվել:

Այնուամենայնիվ, ընտրական հանձնաժողովը չի կարողացել մատնանշել, թե ինչպես է այդ խախտումը ազդել ընտրությունների արդյունքների վրա, հաշվի առնելով, որ քվեատուփերը նույնպես վերահսկվել են քաղաքական կուսակցությունների ներկայացուցիչների կողմից:

Անմիջական իրավաբանական բացատրությունը կայանում է նրանում, որ բարձրագույն ընտրական հանձնաժողովը իրավասու  է որոշումներ ընդունել միայն վիճահարույց արդյունքների վերաբերյալ:

Այս դեպքում բողոքարկվել էին միայն Ստամբուլի քաղաքապետի ընտրությունները. լիովին հնարավոր է, որ «Արդարություն եւ զարգացում» կուսակցությունը հաջողության է հասել  այլ տեղերում:

Ընդդիմադիր թեկնածու Էքրեմ Իմամօղլուի որոշ կողմնակիցներ արձագանքել են որոշմանը՝ կրկնակի ընտրությունների բոյկոտի կոչ անելով:

Սակայն Իմամօղլուն երդվել է երբեք չհանձնվել եւ շարունակել պայքարել:

Այդ ելույթում նա գործարարներին եւ նկարիչներին կոչ է արել չլռել եւ արձագանքել ընդունված որոշումներին:

Նոր ընտրությունների որոշման կապակցությամբ առաջացած դժգոհությունը դուրս է եկել ընդդիմության սահմաններից:

Իսկապես ոչ բոլորն են ԱԶԿ-ում եւ նրա ընտրողների բազայում գոհ արդյունքներից: Սա կարող է իշխող կուսակցության ներսում ճաքերն ավելի նկատելի դարձնել:

 Աբդուլլահ Գյուլը՝ նախկին նախագահը եւ ԱԶԿ հիմնադիրներից մեկը, արդեն կտրուկ քննադատել է այդ որոշումը:  Նա չի հերքում լուրերն այն մասին, որ աջակցում է նոր կուսակցության ստեղծումը, որը կգլխավորի նախկին փոխվարչապետ եւ էկոնոմիկայի եւ ֆինանսների նախարար Ալի Բաբաջանը:

Որոշ ժամանակ լուրեր էին շրջանառվում է, որ Բաբաջանը, Գյուլը եւ Ահմետ Դավութօղլուն՝ նախկին ԱԳ նախարարը եւ վարչապետը, մտադիր են նոր կուսակցություն ստեղծել:

Երկու շաբաթ առաջ Դավութօղլուն 15 էջանոց մանիֆեստ էր հրապարակել, որտեղ քննադատության էին ենթարկվել ինչպես ԱԶԿ-ն, այնպես էլ նախագահ Էրդողանը:

Սակայն նոր կուսակցության ստեղծման եւ Ստամբուլի քաղաքապետի ընտրություններում մասնակցության համար բավականաչափ ժամանակ չկա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիայի կառավարող կուսակցությունը սպասում է պատմության մեջ ամենամեծ կադրային փոփոխություններին. Ekonomim
Կառավարող կուսակցությունը պատրաստվում է խոշոր կադրային փոփոխությունների...
Թուրքիայի իշխանությունների դեմ դավադրությանը մասնակցում են ամերիկյան կողմնորոշում ունեցող աղանդները. Aydınlık
Թուրքական թերթը հայտնել է, որ դավադրությանը մասնակում են աղանդները...
Էրդողանն ընդունել է արդարադատության նախարարին եւ հետախուզության տնօրենին՝ հնարավոր հեղաշրջման լուրերի ֆոնին
Էրդողանը հանդիպել է Յըլմազ Թունչի եւ Իբրահիմ Քալընի հետ...
Անկախ ՏԻՄ ընտրությունների արդյունքից, երկրի կառավարող ուժը նախագահն է. Էրդողան
Էրդողանը նշել է, որ անկախ ընտրողների կատարած քվեարկությունից, իրենք շնորհակալ են բոլորից...
Ստամբուլի եւ Անկարայի քաղաքապետերն սկսել են մրցարշավը նախագահական աթոռի համար. ԶԼՄ
Երկու քաղաքական գործիչներն ընդդիմության ներկայացուցիչներ են...
Էրդողանը կարող է փոփոխություններ կատարել նախարարների կաբինետում և իշխող կուսակցությունում. Hürriyet
Բացի այդ, փոփոխությունները պետք է տեղի ունենան նաև կուսակցության շտաբի և նախարարների կաբինետի հետ կապված...
Ամենաշատ
Ֆոտոռեպորտաժներ