News
Լրահոս
News
Հինգշաբթի
Հոկտեմբեր 01
USD
488.58
EUR
573.93
RUB
6.32
ME-USD
0.01
Տեսնել լրահոսը


ՀՅԴ Երիտասարդական միության  «Ահազանգ» նախաձեռնության անգամներն այսօր՝ մայիսի 10–ին, կառավարության շենքի դիմաց հերթական բողոքի ակցիան էին իրականացնում՝  Կառավարությունից պահանջելով Ազգային ժողովից հետ կանչել Հարկային նոր օրենսգրքի փաթեթը։

 Նախաձեռնության անդամների պնդմամբ՝ այդ նախագիծը հասարակության անդամներին կբևեռացնի, արդյունքում հարուստներն ավելի կհարստանան, իսկ աղքատներն ավելի կաղքատանան։

«Պահանջում ենք, որպեսզի կառավարությունը չեղարկի եկամտային հարկի համահարթեցման սկզբունքը։ Աշխարհի երկրների 95 տոկոսն իրենց քաղաքացիներից հարկումն իրականացնում է պրոգրեսիվ հարկի միջոցով, չենք հասկանում, թե ի՞նչն է նպատակը, որ Հայաստանում ուզում են անցնել համահարթեցման»,–հայտարարեց նախաձեռնության անդամներից Արգիշտի Գևորգյանը։ Նրա խոսքով՝  բոլոր այն երկրները, որոնք ժամանակին անցել էին համահարթեցման, փոշմանել և վերադարձել են պրոգրեսիվ հարման եղանակին։

Նախաձեռնության անդամներն ի նշան բողոքի՝  միջինից ցածր աշխատավարձ ստացողների եկամուտը խորհրդանշող դատարկ դրամապանակներ նետեցին կառավարության շենքի մուտքի մոտ։

Այդ ամենը հարուցեց տարածքում ծառայություն իրականացնող ոստիկանների զայրույթը։

Նրանք դժգոհեցին, որ դրամապանակները դիպել են իրենց։

«Անշնորքություն է սա, դրա համար մի բան անելուց առաջ գիտակցեք, ներողություն խնդրեք ոստիկաններից»,– բարկացած հայտարարեց ոստիկանության ծառայողներից մեկը։

Ակցիայի մասնակիցները ներողություն խնդրեցին ոստիկաններից և ծափահարեցին նրանց։

«Դատարկ դրամապանակներով մենք ուզում էինք ցույց տալ, որ միջին և բարձր խավին համահարթեցումն ավելի կաղքատացնի։ Կարծում ենք, որ կառավարությունը կվերանայի համահարթեցման դրույթը կամ կթողնի  պրոգրեսիվ հարկատեսակը, կամ կառաջարկեն մի տարբերակ, որը արդյունավետ կլինի բոլոր խավերի համար»,–լրագրողների հետ զրույցում ասաց նախաձեռնության անդամներից Անուշ Համբարձումյանը։

Կառավարությանը նամակ հանձնելուց հետո ակցիայի մասնակիցները հեռացան։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դոլարի փոխարժեքն աճել է. եվրոն թանկացել է ավելի քան 2 դրամով
Թանկարժեք մետաղների համար բանկի կողմից սահմանվել են հետեւյալ գները...
Դոլարի եւ եվրոյի փոխարժեքներն աճել են
Թանկարժեք մետաղների համար բանկի կողմից սահմանվել են հետեւյալ գները...
Դոլարի փոխարժեքը աճել է շուրջ 2 դրամով. եվրոն թանկացել է 4,5 դրամով
Թանկարժեք մետաղների համար բանկի կողմից սահմանվել են հետեւյալ գները...
Դոլարի փոխարժեքն աճել է. Եվրոն նույնպես թանկացել է
Թանկարժեք մետաղների համար բանկի կողմից սահմանվել են հետեւյալ գները...
Ամբողջ մաքսային ծառայությունն անցել է 24 ժամյա աշխատանքային գրաֆիկի. Բոլոր մաքսակետերն աշխատում են
Արձագանքելով շրջանառվող կեղծ լուրերին՝ Պետական եկամուտների կոմիտեն...
Անկում՝ կորոնավիրուսի հնարավոր երկրորդ ալիքից առաջ. Արա Գալոյան
Ու իրավիճակին լրիվ համահունչ հրապարակվեցին մեր երկրի սոցիալ -տնտեսական վիճակը բնութագրող այս տարվա հունվար-օգոստոսի հիմնական մակրոտնտեսական ցուցանիշները…