Ֆլորիդայում Դուդեր անունով շունը, որը Մարիոն շրջանի ոստիկանության շարքային ծառայող է, բերման է ենթարկել 43-ամյա հանցագործին, որը զբաղվում է ավտոմեքենաների առեւանգմամբ: Իրավախախտին հետապնդելու կադրերը հրապարակվել են տեղի շերիֆի կողմից, հաղորդում է Vesti-ն:
Դեպքը տեղի է ունեցել ապրիլի 30-ին. ոստիկանները կանգնեցրել են Ford F-150 պիկապը, որի ղեկին կասկածելի վարորդ էր: Տղամարդը, հասկանալով, որ նրան ստուգելու են, սեղմել է գազին եւ փորձել հեռանալ:
Կարճ ժամանակ անց հետապնդումը, որից հետո պիկապը բախվել է պատնեշին, վերաճել է վազքի, եւ այդ ժամանակ ոստիկանները օգնություն են խնդրել իրենց գործընկեր Դուդեր շնից:
Շունն անմիջապես հասել եւ բերման է ենթարկել փախչող տղամարդուն՝ զգուշորեն բռնելով նրա ոտքը. իրավապահները միայն հագցրել են փախուստի դիմած, սակայն հանդարտված հանցագործի ձեռնաշղթաները:
Նա Դանիել Յուջին Բոլդենն էր, որն ավելի վաղ հետախուզվում էր մի շարք գողությունների կասկածանքով: Պիկապն առեւանգված էր, իսկ հանցագործին այժմ սպասվում է ազատազրկում բազմաթիվ անօրինական գործողությունների համար:
