Այվազովսկու վրձնին պատկանող նկարներ են հայտնաբերվել 100 տարի առաջ Ղրիմի ափերի մոտ խորտակված «Գեներալ Կոցեբու» շոգենավի մեջ:
Այս մասին «Գովորիտ Մոսկվա» ռադիոկայանին հայտնել է «Նեպտուն» արշավախմբի ղեկավար Ռոման Դունաեւը:
Ներկայումս արտեֆակտների վեր բարձրացման աշխատանքները դադարեցված են, քանի որ դրանք վնասելու հավանականություն կա:
Որոնումներն իրականացվել են 40 մետր խորությամբ՝ Ղրիմի թերակղզու Տարխանկուտ հրվանդանից 12 մղոն հեռավորությամբ: Արշավախմբի մասնակիցները հայտնաբերել են տասից ավելի նկարների մասեր, այդ թվում՝ ենթադրաբար, Այվազովսկու վրձնին պատկանող: