Մալթայի առափնյա պահակախումբը 85 աֆրիկացի ներգաղթյալի է փրկել, հաղորդում է Интерфакс-ը՝ հղում անելով արեւմտյան լրատվամիջոցներին:
Լրատվամիջոցների տեղեկություններով՝ խոսքը Հյուսիսային եւ Արեւելյան Աֆրիկայից անօրինական ներգաղթյալների մասին է, որոնք նավարկել են փայտե նավակով։ Ակնկալվում է, որ մոտ ժամանակներս փրկված ներգաղթյալները կհայտնվեն Մալթայի տարածքում։
Ապրիլին Մալթային ափերի մոտ Լիբիայից 64 ներգաղթյալ էր փրկվել, որոնք հետագայում մեկնեցին ԵՄ երկրներ՝ Մալթայի եւ ԵՄ-ի միջեւ կնքված համաձայնագրի համապատասխան։
Ավելի վաղ Լիբիայի ազգային միասնության կառավարության ղեկավար Ֆայեզ Սարաջը նախազգուշացրել էր, որ երկրում ռազմական ճգնաժամը ներգաղթյալների նոր հոսքի կարող է հանգեցնել, որոնք ուղեւորվում են դեպի Իտալիա եւ եվրոպական այլ պետություններ։