Մայիսի 10-ին, ժամը 19.00-ի սահմաններում, ոստիկանության Երեւան քաղաքի վարչության ՔՀԲ բաժնի 6-րդ բաժանմունքի ծառայողները, ստացված տեղեկություններն իրացնելով, Հալաբյան փողոցից, գողություն կատարելու կասկածանքով, ոստիկանության Մաշտոցի բաժին բերման են ենթարկել Խաչիկ Ս-ին:
Ոստիկանությունից NEWS.am-ին հայտնում են, որ պարզվել է, որ նա նույն օրը, ժամը 16.50-ին, թիվ 28 երթուղու ավտոբուսի սրահում գողացել է մի ուղեւորուհու դրամապանակը, որի մեջ եղել է փող ու բանկային քարտեր: Ավելի ուշ Խաչիկ Ս-ն փորձել է բանկային քարտով գումար կանխիկացնել, սակայն գաղտնագիրը չիմանալու պատճառով չի կարողացել:
Խաչիկ Ս-ի անձնական խուզարկությամբ դրամապանակը հայտնաբերվել է: Տուժողից ընդունվել է հաղորդում:
Նախապատրաստվում են նյութեր:
