«Մատրիցա» ֆանտաստիկ կինոեռագրությունը կարող է շարունակություն ունենալ։ «Ջոն Ուիք-3» ֆիլմի ստեղծող Չադ Ստախելսկին Yahoo Movies-ի թղթակիցներին պատմել է, որ Վաչովսկի քույրերը սկսել են չորրորդ մասի վրա աշխատանքը՝ հայտնում է Life-ը։
«Եթե պարզվի, որ դա մոտ է այն մակարդակին, ինչ նրանք արդեն արել են, ապա բավական է նրանք զանգեն ինձ եւ ասեն․ «Հե՜յ, մենք ուզում ենք, որ դու կասկադյոր լինես», եւ ես պատրաստ կլինեմ թռչել հանուն դրա մեքենայի տակ»,- ասել է նա։
Ստախելսկին ասել է, թե շատ ուրախ է, որ Վաչովսկի քույրերը ոչ միայն կվերստեղծեն «Մատրիցա»-ն այլեւ կընդլայնեն ֆանտաստիկ տիեզերքը։
Զրուցակիցը չի հստակեցրել հաջորդ ֆիլմի կոնցեպցիան՝ այն շարունակությո՞ւն կլինի, թե՞ վերբեռնում։Բացի այդ, նա հայտնել է, որ վստահ չէ՝ կլինեն արդյոք Վաչովսկիները ֆիլմի ռեժիսորներ թե կսահմանափակվեն պրոդյուսերական գործառույթներով։ Սակայն նա նշել է, որ «պատրաստ է ցանկացած պահի ամեն ինչ թողնել՝ նրանց օգնելու համար»։
«Մատրիցա»-ի երրորդ մասը թողարկվել է 2003-ին։ Վերջը ակնարկում էր շարունակական լինելու մասին։ 2017-ին նոր «Մատրիցա»-ի հայտարարված սցենարիստ Զակ Փենը նույնպես հայտնել էր առանց Վաչովսկի քույրերի ֆիլմի եւս մեկ մաս նկարահանելու մտադրության մասին։
