Ամերիկյան Կալիֆոռնիա նահանգում ձերբակալվել են հինգ դեռահասներ, որոնք հանդիպում էին նշանակում իրենց զոհերին Tinder ծանոթությունների հարթակի միջոցով, այնուհետեւ թալանում նրանց, հաղորդում է Fox News-ը:
Հանցախմբում ներառված են ինչպես երիտասարդ կայանք, այնպես էր տղամարդիկ, որոնք 15-19 տարեկան են: Կասկածյալները ձերբակալվել են տարբեր վայրերում եւ տարբեր ժամանակահատվածում, երբ ոստիկանությունը դիտել է տեսագրությունը, որում երեւում էր զոհերից մեկի վրա հարձակումը:
Հանցախմբում կար երկու դեռահաս կին, որոնք իրենց զոհերին ներկայանում էին որպես «Բեքի» եւ «Վիկտորյա» եւ հրավիրում տղամարդկանց հանդիպման ուշ ժամերին եւ լքված վայրերում: Երբ զոհը գալիս էր այդտեղ, նրան դիմավորում էր դիմակներով եւ զինված խումբը:
Նշվում է, որ, ընդհանուր առմամբ, դեռահասների հանցախմբի գործողություններից տուժել է առնվազն 11 տղամարդ: Կասկածյալներից յուրաքանչյուրին առաջադրվել է մեղադրանք կողոպուտի եւ ավտոմեքենաների առեւանգման հատկանիշներով:
Իսկ Tinder հարթակը խորհուրդ է տալիս իր օգտատերերին հանդիպում նշանակել ցերեկվա ժամերին եւ մարդաշատ վայրերում:
