Ռուսական ԶԼՄ-ները հրապարակել են տեսանյութ Ռուսաստանի Ռոստովի մարզում բնակելի շենքում պայթյունի վայրից: Այնուհետեւ տեսանյութը հասանելի է դարձել նաեւ Youtube-ում:
ՌԻԱ Նովոստի-ի հաղորդմամբ, կենցաղային գազի պայթյունը տեղի է ունեցել լույս կիրակի գիշերը 16-բնակարանային երկհարկանի շենքում, որը գտնվում է Լենին փողոցի վրա: Վերջին տվյալներով՝ երկու մարդ զոհվել է եւ երկուսը վիրավորվել:
Փլուզված շենքի բնակիչները դեռեւս գտնվում են ժամանակավոր կացության վայրում: Գյուղում հայտարարվել է արտակարգ իրավիճակի ռեժիմ:
Հարուցվել է քրեական գործ «Անզգուշությամբ մահ պատճառելու» հոդվածով: Քննիչներն ու քրեագետներն անցկացնում են դեպքի վայրի զննություն եւ հարցաքննում շենքի բնակիչներին: