Միլիարդատեր Իլոն Մասկը բավականին պերճախոս է աշխատելու շուրջ իր ձգտումների մասին խոսելիս եւ անգամ ուղարկել է իր գործընկերներին էլեկտրոնային նամակներ, որոնք կոչված են բարձրացնելու նրանց աշխատանքի արդյունավետությունը, գրում է Fox Business-ը:
«Ոչ ոք երբեք չի փոխել աշխարհը՝ աշխատելով շաբաթական 40 ժամ»,- անցյալ տարի հայտարարել է Tesla-ի հիմնադիրը՝ անցկացնելով հարցազրույցներ SpaceX, Tesla, Boring Company եւ Neuralink ընկերություններում առկա թափուր հաստիքների համար:
Ընդ որում՝ նա ընդունել է, որ «կան վայրեր, որտեղ ավելի հեշտ է աշխատել», սակայն հավելել է, որ «եթե դուք սիրում եք ձեր գործը, դա հաճախակի չեք ընկալում այն որպես աշխատանք»:
