Արգենտինայի խորհրդարանի պատգամավոր Էկտոր Օլիվարեսը, որը մայիսի 9-ի առավոտյան վիրավորվել էր Բուենոս Այրեսի կենտրոնում՝ կոնգրեսից ոչ հեռու, վախճանվել է հիվանդանոցում, տեղեկացրել է երկրի անվտանգության նախարար Պատրիսիա Բուլրիչը, հաղորդել է ՌԻԱ «Նովոստի»-ն։
«Խորապես ափսոսում եմ պատգամավոր Էկտոր Օլիվարեսի մահվան առիթով։ Ցավակցություններս նրա հարազատներին ու ընկերներին։ Մարդասպաններն ու նրանց հանցակիցները պետք է վճարեն այդ հանցագործությունների համար»,- գրել է նախարարը Թվիթերում։
Արգենտինայի նախագահ Մաուրիսիո Մակրին 48-ժամյա ազգային սուգ է հայտարարել՝ խորհրդարանականի մահվան առիթով։
Արգենտինայի Ռյոխա նահանգի պատգամավոր Էկտոր Օլիվարեսը վիրավորվել էր երեք գնդակով Բուենոս Այրեսի կենտրոնում, կոնգրեսից ոչ հեռու, մայիսի 9-ի առավոտյան, նրան ուղեկցող պաշտոնյա Միգել Մարսելո Յադոնը սպանվել է։ Չարագործների նպատակը, որոնք կրակել են կայանված մեքենայից, ինչպես տեղեկացրել է Բուլրիչը, հենց պետծառայողն է եղել։ Պատգամավորն այս օրերին գտնվել է հիվանդանոցում ծայրահեղ վիճակում. նա վիրավորվել էր որովայնի շրջանում։
Կալանվել են պաշտոնյայի սպանության եւ պատգամավորին վիրավորելու մեջ կասկածվող բոլոր անձինք։
