News
Լրահոս
News
Ուրբաթ
Մարտ 29
Տեսնել լրահոսը

Լիտվայի վարչապետ Սաուլյուս Սկվերլյանիսը, որն առաջադրվել էր նախագահի թեկնածու, կիրակի տեղի ունեցած նախագահական ընտրություններում չի անցել երկրորդ փուլ, նա հաստատել է, որ հրաժարական է տալու։ Այս մասին նա լրագրողներին տեղեկացրել է երկուշաբթի՝ կրկնելով ասածը քվեարկության ավարտից հետո, տեղեկացնում է ՏԱՍՍ-ը։

«Սրանք դատարկ խոսքեր չեն, ես ղեկավարվել եմ Լիտվայի քաղաքացիների կարծիքով, որոնք արտահայտվել են հօգուտ աջ քաղաքական ուժերի, եւ հրաժարական կտամ»,- ասել է նա։ Վարչապետը իր որոշումը բացատրել է նրանով, որ իր գլխավորած կառավարության ծրագիրը «կողմնորոշված է միանգամայն այլ՝ ձախ կենտրոն ուղղությամբ»։ «Քաղաքական գործչի լիազորությունները կախված են այն բանից, թե որքանով է նա օգտվում մարդկանց վստահությունից»,- նշել է Սկվերնյալիսը։

Քվեարկության ավարտից հետո, որի արդյունքները նպաստավոր չէին կառավարության ղեկավարի համար (նա երրորդն էր եւ չանցավ երկրորդ փուլ), վարչապետն ասաց, որ հուլիսի 12-ին կամ «մեկ օր հետո» հրաժարական կտա։ Նախագահ Դալյա Գրիբաուսկայտեն, որը պաշտոնավարում է երկրորդ ժամկետով (երրորդին հավակնել չի կարող), հուլիսի 12-ին վայր կդնի լիազորությունները։ Պետության նոր ղեկավարի պաշտոնի ստանձնմամբ, համաձայն սահմանադրության,  իրենց լիազորությունները կվերադարձնեն նախարարները։ Ընտրված նախագահը կարող է համաձայնել կառավարության աշխատանքի շարունակմանը նախկին կազմով կամ հանձնարարել կառավարությանը՝ շարունակել աշխատանքը մինչեւ նոր կառավարության ձեւավորումը։

Կիրակի նախագահի աթոռի համար պայքարում էր ինը թեկնածու։ Երկրորդ փուլ, որը տեղի կունենա երկու շաբաթ հետո, անցել են ֆինանսների նախկին նախարար, 44-ամյա Ինգրիդա Շիմոնիտեն (31,13 տոկոս) եւ 54-ամյա տնտեսագետ Գիտիանաս Նաուսեդան (30,95 տոկոս)։

!
Այս նյութը հասանելի է նաև   Русский
Տպել
Ամենաշատ