Ես բացառում եմ, որ «Լուսավոր Հայաստանը» կարող է համագործակցել նախկին ռեժիմի կամ ցանկացած ուժի հետ, որը կապված է նրա հետ։ Այս մասին մայիսի 13-ին ՀՀ ԱԺ ճեպազրույցում ասել է «Լուսավոր Հայաստան» խմբակցության քարտուղար Գեւորգ Գորգիսյանը։
Նրա խոսքով՝ նրանք պարզապես ոչ ճիշտ հաշվարկ են արել։
«Ռոբերտ Քոչարյանը եւ նրա կողքին գտնվող ցանկացած քաղաքական ուժ, ամեն դեպքում, չի կարողանա ձեռք բերել քաղաքացիների վստահությունը։ Նրանք թերագնահատում են մեր քաղաքացիներին՝ մտածելով, որ նրանք հիշողություն չունեն»,- ասել է Գորգիսյանը։
Նա նշել է, որ երկրորդ նախագահի կողմնակիցների հայտարարությունները ընդդիմադիր ճակատի ստեղծման մասին ուղղված են այն բանին, որպեսզի թույլ չտան Ռոբերտ Քոչարյանի դատապարտումը, ինչպես նաեւ ուղղված են նրա ունեցվածքի պաշտպանությանը։
Գորգիսյանը համոզված է, որ այս ամենի մեջ քաղաքական ենթատեքստ կա։