Լյուքսեմբուրգի վարչապետ Քսավյե Բեթելն այսօր մայիսի 13-ին, ընդունելով ՀՀ վարչապետ Նիկոլ Փաշինյանին, լրագրողների ներկայությամբ ցանկացել է հայերեն ասել «շնորհակալություն»:
Լրագրողների ու լուսանկարիչների ներկայությամբ Բեթելը հարց է ուղղել Փաշինյանին, թե ինչպես կարող է հայերեն ասել «մերսի» բառը: ՀՀ վարչապետը մի քանի անգամ կրկնել է «շնոր-հա-կա-լութ-յուն», սակայնԼյուքսեմբուրգի վարչապետը անգամ մի քանի փորձից հետո չի կարողացել բառն արտաբերել:
Այնուհետեւ կողմերը գնացել են փակ կազմով հանդիպման:
Նշենք, որ այս հանդիպումից հետո տեղի կունենա Փաշինյանի հանդիպումը Լյուքսեմբուրգի պատգամավորների պալատի նախագահի և պատգամավորների հետ:
Հայտնի է, որ Լյուքսեմբուրգի Պատգամավորների պալատի նախագահ Ֆերնանդ Էտգենի անունից, ի պատիվ վարչապետ Նիկոլ Փաշինյանի, կտրվի ճաշ:
Այնուհետև վարչապետը կմեկնի Բրյուսել: Եվրոպական խորհրդի շենքում Նիկոլ Փաշինյանը կմասնակցի Արևելյան գործընկերության տասնամյակին նվիրված պաշտոնական ընթրիքին, որը կտրվի Եվրոպական խորհրդի նախագահ Դոնալդ Տուսկի անունից:
