Bloomberg գործակալությունը պատմել է Apple-ի նոր երեք սմարթֆոնների մասին, որոնք հանրությանը կներկայացնեն աշնանը, հաղորդում է «ՌԻԱ Նովոստին»:

 iPhone XS, iPhone XS Max եւ iPhone XR հեռախոսների հաջորդողներին կհագեցնեն նոր A13 պրոցեսորով: Այն փորձարկել են ապրիլին, իսկ զանգվածային արտադրությունը կսկսվի մայիսին:

Ոչ մի սկզբունքային փոփոխություն արտաքին տեսքում չի նախատեսվում, սակայն նոր iPhone XS-ը եւ iPhone XS Max-ը իրենց նախորդողներից մի փոքր հաստ կլինեն (կես մմ-ով):

Բացի այդ, iPhone XS- ը եւ iPhone XS Max- ը կստանան երրորդ հիմնական տեսախցիկ `չափազանց լայն տեսադաշտի անկյունով, իսկ iPhone XR-ը կստանա երկրորդ տեսախցիկ, որն օպտիկական խոշորացում կունենա:

Բացի այդ, բոլոր երեք սմարթֆոնները կունենան անլար լիցքավորում: Դրանով հնարավոր կլինի լիցքավորել նոր AirPods-ը: