Հանրային ծառայողները պետք է ազատ տիրապետեն օտար լեզուներին: Այս մասին մայիսի 13-ին մամուլի ասուլիսում հայտարարեց Երեւանի փոխքաղաքապետ Հայկ Սարգսյանը:
Նրա խոսքով, եթե Հայաստանում ցանկանում են նոր մշակույթ ձեւավորել եւ նոր գիտելիքներ ունենալ, ապա անհրաժեշտ է գիտակցել, որ այդ բոլոր գիտելիքները կարելի է միայն արտերկրում ստանալ:
«Մենք այս պահանջը դրել ենք մեր աշխատակիցների առջեւ եւ արդեն սկսել ենք անգլերենի ուսուցման գործընթացը, որին մասնակցում է քաղաքապետարանի աշխատակիցների բավականին զգալի մասը: Այս նախագիծը ֆինանսավորվելու է մեր միջազգային գործընկերների կողմից», - բացատրեց Երեւանի փոխքաղաքապետը:
