Մեծ Բրիտանիան, Գերմանիան եւ Ֆրանսիան կոչ են արել վերջ դնել Սիրիայի հյուսիսարեւմտյան մասում իրավիճակի ռազմական լարվածությանը՝ հայտարարելով, որ իրենք լրջորեն անհանգստացած են վերջերս տեղի ունեցած բռնությամբ, որը հանգեցրել է ավելի քան 120 խաղաղ բնակիչների մահվանը՝ հայտնում է Reuters-ը։
«Այս ռազմական լարվածությունը պետք է դադարեցվի»,- ասվում է երեք երկրների համատեղ հայտարարության մեջ, որը հրապարակվել է բրիտանական արտգործնախարարության կողմից։
«Բնակավայրերին ուղղված օդային հարվածները, անկանոն ռմբակոծությունները, ինչպես նաեւ քաղաքացիական եւ մարդասիրական ենթակառուցվածքի, մասնավորապես՝ դպրոցների եւ բժշկական հաստատությունների վրա հարձակումները միջազգային մարդասիրական իրավունքի աղաղակող խախտումներ են»,- ասվում է հայտարարության մեջ։