Պեկինը շահագրգռված չէ միջուկային զինաթափման բանակցություններում Մոսկվայի եւ Վաշինգտոնի մասնակցությամբ:
Այս մասին հայտարարել է Պետդեպարտամենտի անդամ, Չինաստանի արտաքին գործերի նախարար Վան Ին Ռուսաստանի արտգործնախարար Սերգեյ Լավրովի հետ հանդիպումից հետո, հաղորդում է ՏԱՍՍ-ը:
«Չինաստանը շահագրգռված չէ եւ միջուկային զինաթափման բանակցություններում չի տեսնում Ռուսաստանի եւ ԱՄՆ-ի միանալու անհրաժեշտությունը, քանի որ Չինաստանի միջուկային զինանոցը մշտապես պահվում է նվազագույն մակարդակում, որը համապատասխանում է պաշտպանության քաղաքականության շահերին», - ասել է Չինաստանի արտաքին գործերի նախարարը:
Ընդ որում նա հավելել է, որ այդ թեմայով Մոսկվայի եւ Վաշինտտոնի բանակցությունները մեծ նշանակություն ունեն համաշխարհային կայունության պահպանման համար:
«Մենք հույս ունենք, որ ամերիկյան կողմը կարձագանքի ՌԴ-ի՝ առաջիկայում միջին եւ փոքր հեռահարության հրթիռների ոչնչացման պայմանագրին վերադառնալու եւ ռազմավարական հարձակողական սպառազինությունների կրճատման պայմանագիրը երկարաձգելու շահագրգռվածությանը: Այս դիրքորոշումը համապատասխանում է համաշխարհային հանրության ընդհանուր շահերին», - ասել է Վան Ին: