News
Լրահոս
News
Հինգշաբթի
Մարտ 28
Տեսնել լրահոսը


Երեւան քաղաքի առաջին ատյանի ընդհանուր իրավասության դատարանի դատավոր Դավիթ Գրիգորյանի նկատմամբ նախազգուշացում հայտարարելուց հետո կաշկանդվածություն, չեմ կարծում, առաջանա, բայց ուրիշ խնդիր կարող է առաջանալ։ Այս մասին ասյօր՝ մայիսի 13-ին, լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի պաշտպանական խմբի անդամ Հայկ Ալումյանը՝ խոսելով ԲԴԽ–ի որոշման մասին։

«Փաստորեն ստացվում է, որ ԲԴԽ–ն իր որոշմամբ փաստել է, որ տվյալ դատավորը պարոն Քոչարյանի հետ կապված մի ընթացակարգում օրենք է խախտել եւ ի վնաս պարոն Քոչարյանի։ Այսինքն՝ պետք է օր առաջ քններ կալանքի տակ պահելու ժամկետի հարցը, սակայն չի քննել, եւ ԲԴԽ–ն համարել է խախտում»,- նշեց նա։

Հայկ Ալումյանի խոսքով՝ Ռոբերտ Քոչարյանի պաշտպանական խումբը պետք է քննարկի եւ որոշի՝ այս հիմքով եւս ինքնաբացարկի միջնորդություն ներկայացնել թե ոչ։

Հարցին՝ քրեական հետապնդումը դադարեցնելու վերաբերյալ միջնորդություն այս փուլում՝ ինքնաբացարկի հրապարակումից հետո, հնարավո՞ր է ներկայացնեն, Ալումյանն ասաց. «Այդպիսի միջնորդություն արդեն ներկայացված է դատարանի գրասենյակ, այսօր՝ 14.00-ին։ Այս փուլում սահմանափակ հիմքեր կան այդ առումով։ Այս փուլում չենք կարող ասել, որ գործի ապացույցները վկայում են, որ քրեական հետապնդումը ենթակա է դադարեցման։ Սակայն կան այնպիսի հիմքեր, որոնցից ակնհայտ է, որ քրեական հեռտապնդումը պետք է դադարեցվի։ Դատարանը այս փուլում որոշումներից մեկը, որ իրավունք ունի կայացնել, քրեական հետապնդումը դադարեցնելու որոշումն է, եթե այդ որոշումը կայացնելու համար անհրաժեշտ չի գործի բոլոր ապացույցներն ուսումնասիրել»։

Նրա խոսքով՝ պաշտպանական խումբը միջնորդություն է ներկայացրել, թե որ վկաները պետք է հրավիրվեն դատարան, նաեւ գործը մեղադրողին վերադարձնելու միջնորդություն են ներկայացրել, քանի որ իրենք համարումեն, որ մեղադրական եզրակացությունը չի համապատասխանում օրենքով նախատեսված չափանիշներին։

Ավելի վաղ Բարձրագույն դատական խորհրդից NEWS.am-ին հայտնել էին, որ Երեւան քաղաքի առաջին ատյանի ընդհանուր իրավասության դատարանի դատավոր Դավիթ Գրիգորյանի նկատմամբ կարգապահական վարույթ է հարուցվել ՀՀ դատավորների ընդհանուր ժողովի կարգապահական հարցերի հանձնաժողովի 2019 թ. փետրվարի 11-ի որոշումով:

Կարգապահական վարույթ հարուցելու առիթ է հանդիսացել Երեւան քաղաքի առաջին ատյանի ընդհանուր իրավասության դատարանի նախագահ Ռուբեն Վարդազարյանի կողմից ներկայացրած հաղորդումը՝ դատավորների վարքագծի կանոնների խախտման վերաբերյալ:

Մայիսի 13-ին, օրենքով սահմանված կարգով, հրապարակվեց Խորհրդի որոշումը, որում մասնավորապես նշված է, որ ղեկավարվելով «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 6-րդ մասով, 142-րդ հոդվածի 1-ին մասի 2-րդ կետով, 149-րդ հոդվածի 1-ին մասի 1-ին կետով, 154-րդ հոդվածի 4-րդ մասի 1-ին կետով եւ 155-րդ հոդվածով՝ Դատավորների ընդհանուր ժողովի կարգապահական հարցերի հանձնաժողովի միջնորդությունը բավարարել եւ դատավոր Դ. Գրիգորյանին հայտարարել նախազգուշացում:

Որոշումն ուժի մեջ է մտնում հրապարակման պահից եւ վերջնական է:

Մայիսի 13-ին կայացած նիստում Բարձրագույն դատական խորհուրդը որոշում կայացրեց նաեւ բավարարել Երեւան քաղաքի առաջին ատյանի ընդհանուր իրավասության դատարանի դատավոր Դավիթ Գրիգորյանի դիմումը եւ նրա անուն-ազգանունը վեց ամիս ժամկետով հանել գործերի բաշխման ցանկից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ