News
Լրահոս
News
Հինգշաբթի
Սեպտեմբեր 24
USD
485.42
EUR
568.62
RUB
6.36
ME-USD
0.01
Տեսնել լրահոսը


Մարտի 1-ի գործով մեղադրող կողմը դատակոչել է ավելի քան 800 հոգուց բաղկացած ցուցակ, այս անձինք հանդես կգան որպես վկա։ Այս մասին այսօր՝ մայիսի 13-ին, լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի պաշտպանական խմբի անդամ Հայկ Ալումյանը։

Պաշտպանի փոխանցմամբ՝ Լեւոն Տեր–Պետրոսյանը եւ Սերժ Սարգսյանը պաշտպանական կողմի ներկայացրած դատակոչման ենթակա անձանց ցուցակում ներառված չեն, սակայն ներկայացված են մեղադրող կողմի ցուցակում։

«Մենք ներկայացրել ենք մոտ 10 հոգուց բաղկացած ցուցակ, որը վերաբերում է Սահմանադրական դատարանի դատավորներին, կա նաեւ Գագիկ Հարությունյանը, ցուցակում է նաև Սամվել Մայրապետյանը, Միքայել Հարությունյանը։ Այս պահին մեղադրող կողմը դատակոչել է ավելի քան 800 հոգուց բաղկացած ցուցակ»,- նշեց նա՝ կարծիք հայտնելով, որ վկաները կարող են 4 տարում քննվել։

Ալումյանը, պատասխանելով հարցին, թե ինչու են դատակոչել ՍԴ դատավորներին, ասաց. «Պարոն Քոչարյանի մեղադրանքի մեջ, ի թիվս այլի, կա դրույթ, որ այդ ժամանակ ճնշում է եղել Սահմանադրական դատարանի դատավորի նկատմամբ: Ընդ որում, չի մասնավորեցվում՝ ինչպե՞ս է եղել ճնշումը, ո՞ր դատավորի նկատմամբ, և ՍԴ բոլոր դատավորներից անհասկանալի սկզբունքով ընտրվել է երկու դատավոր, երկուսն էլ հերքել են իրենց նկատմամբ ճնշումը։ Մենք միջնորդել ենք և դատարանում պատրաստվում ենք պնդել, որ պետք է հրավիրվեն ՍԴ մյուս դատավորները, որ հասկանանք՝ ի՞նչ ճնշումներ են եղել և ինչպե՞ս են դրանք արտահայտվել»։

Լրագրողները հետաքրքրվեցին՝ ՀՀ վարչապետ Նիկոլ Փաշինյանը կա՞ մեղադրող կամ պաշտպանող կողմի ցուցակում, որին ի պատասխան պաշտպանը բացասական պատասխան տվեց, սակայն չբացառաեց, որ հրավիրեն նաև նրան։ «Ցուցակում նա առայժմ չկա, եթե որոշենք, որ ինչ–որ տվյալներ կա, որ ցանկանում ենք պարոն Փաշինյանից ստանալ դատարանում, կմիջնորդենք, որ ինքը ևս դատակոչվի»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Որ գնացել են թալան անելու, ես ներողություն խնդրե՞մ». սեւազգեստ մայր
Սարգիս Քլոյանը հայտարարեց, որ իրենք չեն ներկայանալու Ռոբերտ Քոչարյանի գործով դատական նիստերին…
Ո՞ր փաստերն են ներառվել և որո՞նք մոռացվել մարտի 1-ի գործում. Էլինար Վարդանյան
Նա նշեց, որ 2008 թ. մարտի 1-ի նախօրեին ԱԱԾ-ն տեղեկություններ ուներ ռազմական օբյեկտների վրա...
Մարտի 1-ի նախօրեին ԱԱԾ-ն տեղեկություններ ուներ ռազմական օբյեկտների վրա հարձակումների նախապատրաստման մասին․ Օհանյան
ԱԱԾ տեղեկություններով՝ հանրահավաքի մասնակիցների մոտ զենք է եղել, հատկապես պատերազմի նախկին մասնակիցների մոտ․․․
Մարտի 1-ի դատավարությունը սպառվել է. Էլինար Վարդանյան
Բարձր էյֆորիկ ալիքը իշխանության հետ արդեն սկսել է խաղալ իր չար կատակը…
Ավագանին տվեց իր համաձայնությունը. Երեւանում «Մարտի 1»-ի զոհերի հիշատակի հուշարձան կտեղադրվի
Հարցի քննարկման ժամանակ ավագանու անդամնեը մեկ րոպե լռությամբ հարգեցին մարտի 1-ի զոհերի հիշատակը...
Ես ինքս տեսնում եմ դատական նիստերը ձգձգելու միտումներ. Բադասյանը՝ Մարտի 1-ի զոհերի իրավահաջորդների հայտարարության մասին
Ես ամբողջությամբ ծանոթ չեմ Մարտի 1-ի զոհերի հարազատների տարածած հայտարարությանը և իրենց պատճառաբանություններին...