Ավստրալիական համալսարանի գրադարանը տարհանվել է ենթադրաբար գազի արտահոսքի պատճառով։ Սակայն պարզվել է, որ պատճառը ոչ թե գազն է, այլ դուրիանը՝ միրգ, որը հայտնի է իր յուրահատուկ հոտով։

Մոտ 550 մարդ 6 րոպեի ընթացքում լքել է Կանբերիի համալսարանի գրադարանը գազի հնարավոր արտահոսքի պատճառով՝ հայտնում է FoхNews-ը։

«Վիրավորական միրգը», ինչպես այն անվանել են գրադարանում, բաց գույնի է, մածուցիկ։ Դրա հոտը համեմատում են «սկիպիդարի եւ սոխի հոտին խառնված սպորտդահլիճից վերցված գուլպայի հոտի հետ»։