ԱՄՆ նախկին նախագահ 94-ամյա Ջիմի Քարթերը կոտրել է ազդրի վզիկը, վիրահատությունը հաջող է անցել, նշված է Քարթերի Նախագահական կենտրոնի մամուլի հաղորդագության մեջ, փոխանցում է «ՌԻԱ Նովոստի»-ն:
«Այսօր առավոտյան վայրի հնդկահավերի որսի գնալիս ԱՄՆ նախկին նախագահը Ջորջիա նահանգի Փլեյնսի իր տանը վայր է ընկել»,- նշված է հաղորդագրության մեջ:
Վիրահատություն է կատարվել, վիրաբույժները նշել են, որ այն հաջող է անցել: Քարթերը տանն է ապաքինվում:
«Նախագահ Քարթերն ասել է, թե գլխավորապես մտահոգվում է այն պատճառով, որ վայրի հնդկահավերի որսի սեզոնն այս շաբաթ ավարտվում է, իսկ նա դեռեւս լիմիտը չի ընտրել (թռչունների թիվը, որոնց կարող էր կրակել – խմբ.): Նա հույս ունի, որ Ջորջիա նահանգն իրեն թույլ կտա չլրացրած լիմիտն օգտագործել հաջորդ տարի»,- հստակեցրել են նախագահական կենտրոնից:
Քարթերը ԱՄՆ նախագահն է եղել 1977-1981 թվականներին: Նա ԱՄՆ բոլոր նախկին նախագահներից ամենատարեցն է: Վերջին տարիներին Քարթերը բուժվել է ուղեղի քաղցկեղից:
