News
Լրահոս
News
Ուրբաթ
Հունվար 28
USD
482.57
EUR
540.24
RUB
6.13
Տեսնել լրահոսը

Երեւանի ընդհանուր իրավասության դատարանի Ավան եւ Նոր Նորք վարչական շրջանների ընդհանուր իրավասության դատարանի բակում շարունակում է իրավիճակը թեժ մնալ՝ ՀՀ երկրորդ նախագահ Ռոբերտ Քոչարյանի աջակիցներն ու իշխանության կողմնակիցները շարունակում են իրենց բողոքի ակցիան՝ Ռոբերտ Քոչարյանի գործով դատական նիստին զուգահեռ։

Քոչարյանի աջակիցներից Գագիկ Բաղդասարյանը լրագրողների հետ զրույցում պնդեց, որ Քոչարյանի կալանավորման որոշումը ապօրինի է եւ նա պետք է ազատ արձակվի. «Ես անցյալ տարի ակտիվ մասնակցում էի հեղափոխությանը, պայքարում էի ստի ու կեղծիքի դեմ, մենք մերժեցինք Սերժին, հիմա կալանքի տակ է Ռոբերտ Քոչարյանը։  Ես պահանջում եմ արդարություն»։

Հարցին՝ իրեն վճարե՞լ են ակցիայի համար, նա պնդեց, որ իր քաղաքացիական պարտքն է կատարում։

Դատարանի բակում է նաեւ իշխանությունների աջակից Վարդգես Գասպարին, սակայն նրան թույլ չտվեցին մտնել դատական նիստերի դահլիճ։ Նա եկել էր ոստիկանության բաժնից։

Գասպարիի խոսքով՝ քրեական գործ դեռ չի հարուցվել, թե ինչու, նա դժվարացավ պատասխանել. «Թվում է, թե ապացույցներ կան, հապաղելու պատճառ չկա, իրավաբանները ավելի ճիշտ գնահատական կտան»։ Նա հայտնեց, որ իր հեռախոսը եւս գտնվել է, սակայն հրաժարվում է հավատալ, որ այն կորել է, պնդում է՝ Քոչարյանի աջակիցներն են գողացել.  «Հեռախոսս անհետացել էր, գրպանս խորն էր եւ քիչ հավանական է, որ այն դուրս ընկներ եւ կորեր, ես ավելի հավանական եմ համարում, որ այն գողացել են միջադեպի ժամանակ, ինչը վկայում է, որ Քոչարյանի աջակիցների մեջ կան պրոֆեսիոնալ գրպանահատներ։ Ինձ ասաց, որ դատարանի բակում են գտել հեռախոսը»։

Գասպարին գոհունակություն հայտնեց դատարանի դահլիճում ընդդեմ Քոչարյանի աջակիցների ակցիայի մասնակիցներին տեսնելով. «Ես քաղաքացի եմ եւ գտնում եմ, որ որոշիչը քաղաղացին է, իսկ երեկ դատարանի դահլիճում տերն ու տնօրենը Քոչարյանի աջակիցներն էին, իսկ ոստիկաններն ու դատական կարգադրիչները ենթակայի կարգավիճակում էին հայտնվել։  Այնպես որ ես ուրախ եմ, որ այսօր այսքան մարդ է եկել ոչ թե ինձ աջակցելու, այլ Մարտի 1-ի 10–ը զոհերի հարազատներին աջակցելու։ Պետք է հանրային ճնշում լինի, բոլոր քաղաքացիների ճնշումը պետք է լինի, որպեսզի իրավիճակ փոխվի, միայն ապրիլ–մայիս ամիսներին չէր, պետք է քաղաքացին ամեն օր իրավիճակ փոխի»։

Հիշեցնենք, որ Երեւանի ընդհանուր իրավասության դատարանի Ավան եւ Նոր Նորք վարչական շրջանների նստավայրի բակում Ռոբերտ Քոչարյանի եւ մյուսների գործով դատական նիստին զուգահեռ երեկ միջադեպ տեղի ունեցավ դատարանի բակում՝ Քոչարյանի աջակիցների եւ Վարդգես Գասպարիի միջեւ։ Լրագրողների հետ զրույցում Գասպարին հայտարարեց, որ քաշքշուքի արդյունքում իրեն շշով հարվածել են, բացի այդ այտոսկրի վնասվածք է ստացել։ Նա հանցագործության մասին հաղորդում է ներկայացնել իրավապահներին։

!
Այս նյութը հասանելի է նաև   English
Տպել
Կարդացեք նաև
Ամբողջը
Ինձ մեղադրում են Մարտի 1-ին բռնություններ հրահրելու մեջ, բայց ՄԻԵԴ-ն արձանագրել է, որ քայլերս օրինական են եղել․ Փաշինյան
Վարչապետն ասել է, որ իր արդարացման ուղղությամբ եւս քայլեր կձեռնարկվեն․․․
Ինչպես Նիկոլ Փաշինյանը, պաշտպանելով իր իրավունքները, ՄԻԵԴ–ում անպաշտպան թողեց պետության շահերը
Զարմանալի է նաև, որ Եվրոպական դատարանը համարել է, որ կալանավորումը, որը կիրառվել էր Նիկոլ Փաշինյանի նկատմամբ, խախտել է նրա իրավունքը, քանի որ եղել է «անժամկետ»...
Փաշինյանն ընդդեմ «Փաշինյան»-ի գործով ՄԻԵԴ-ում հաղթեց Փաշինյանը. Սարգիս Գրիգորյան
Այսինքն, օգտագործելով նույն «ջութակը»՝ Նիկոլ Փաշինյանը դե ֆակտո խաղացել է դատավարության երկու կողմերում՝ բեմադրելով դատավարության ընթացքը...
Հայի արյունից արբեցող այս հրեշի Մարտի 1-ի ոճիրին հանցակցության էջն էլ դեռ պիտի բացահայտվի. Մուշեղ Շուշանյան
Տեղեկացա, որ այսօր ՄԻԵԴ-ը ճանաչել է Նիկոլ Փաշինյանի, մասնավորապես, խաղաղ հավաքների ազատության իրավունքի խախտումը Մարտի 1-ի գործով...
ՄԻԵԴ-ը ճանաչել է 2008-ի ընտրություններից հետո Նիկոլ Փաշինյանի իրավունքների խախտումը
Ըստ աղբյուրի՝ գործը վերաբերում է այն ժամանակ ընդդիմադիր գործիչ Փաշինյանի ազատազրկմանը, որը տեղի է ունեցել 2008 թվականի ընտրություններից հետո, երբ…
Առաջին օմբուդսմեն․ ՀՀ իշխանություններին ձեռնտու չէ 2008թ․ մարտի 1-ի իրադարձությունների բացահայտումը
Խոսելով 2008 թվականի մարտի 1-ին Հայաստանում տեղի ունեցած իրադարձությունների եւ Ղազախստանի վերջին իրադարձությունների ․․․
Ֆոտոռեպորտաժներ