News
Լրահոս
News
Հինգշաբթի
Մայիս 23
Տեսնել լրահոսը

Գողության հատկանիշներով հարուցված քրեական գործը բացահայտված է: Իրավապահները հայտնաբերել են նաև գողոնը՝ տոպրակներով ոսկե և ադամանդե զարդերը թաքցված էին գողություն կատարած անձի պապի գերեզմանոցում։ Այս մասին NEWS.am-ը տեղեկանում է ՀՀ ոստիկանության լրատվական ծառայությունից:

Օպերատիվ տվյալներ են ստացվել, որ գողությունը կատարած Արման Ս.-ը մենակ չի գործել, հանցագործության ծրագրմանն ու իրականացմանը մասնակցել է նաեւ տուժողի գործընկեր Տիգրան Գ.-ը գտնվել է մեքենայում:

Ոստիկանության Մալաթիայի բաժնի քրեական հետախույզները 34-ամյա Արման Ս.-ին ու 35-ամյա Տիգրան Գ.-ին հայտնաբերել են մայիսի 11-ին, մայրաքաղաքի տարբեր հատվածներում, եւ կասկածանքով բերման ենթարկվել ոստիկանության Երեւան քաղաքի վարչություն, այնուհետեւ ձերբակալվել։

Երեւանի բնակիչներ Արման Սահակյանին ու Տիգրան Գասպարյանին մեղադրանք է առաջադրվել։ Դատարանի որոշմամբ նրանք կալանավորվել ու տեղափոխվել են «Նուբարաշեն» քրեակատարողական հիմնարկ։

Հետախուզական միջոցառումներն ու քննչական գործողությունները շարունակվում են։ Կատարվում է նախաքննություն։

Հիշեցնենք, որ մայիսի լույս 5-ի գիշերը ոստիկանությանը անձը հայտնել էր, որ բացել են իր մեքենայի դուռը, ու սրահից գողացել ոսկե եւ ադամադե զարդեր, որոնց ընդհանուր արժեքն, ըստ տուժողի՝ գերազանցում էր 200.000 դոլարը։ Դեպքը տեղի էր ունեցել Մալաթիա-Սեբաստիա վարչական շրջանում գտնվող բուժհաստատություններից մեկի դիմաց։

Գողությունից օրեր առաջ տուժողի գործընկերներից մեկը իր մտերիմի հետ եկել էր մեքենան տեսնելու։ Մայիսի 4-ին տուժողը իր խանութից վերցրել է տոպրակներով զարդերը, եւ մեքենայով շարժվել մայրաքաղաքի Խորենացու փողոցում գտնվող իր արտադրամաս։ Մի քանի օր առաջ նրա մեքենան տեսնելու եկած անձը մեքենայով եւ ոտքով հետեւել է նրա շարժին՝ սպասելով Խորենացու փողոցում։ Երբ տուժողը դուրս է եկել արտադրամասից ու շտապել բուժհաստատությունում գտնվող ծնողին այցելության, նրան փողոցում սպասող անձը շարունակել է հետեւել։

Տուժողը մեքենան կայանել է բուժհաստատության ավտոկայանատեղիում եւ բարձրացել հիվանդանոց։ Րոպեներ անց մեքենային է մոտեցել նրան հետեւած տղամարդը, կրկնօրինակ բանալիով բացել է մեքենայի դուռը, վերցրել տոպրակներով զարդերն ու ոտքով հեռացել։

Դեպքի առթիվ հարուցվել էր քրեական գործ ՝ գողության հատկանիշներով։ Նշենք, որ մեքենայատերը զբաղվում է ոսկու առ ու վաճառքով։

Տպել
Կարդացեք նաև
Ամբողջը
Մեքսիկայում հրաձգության հետեւանքով 10 մարդ է սպանվել
Մեքսիկայի Օախակա եւ Տամաուլիպաս նահանգներում տեղի ունեցած հրաձգության ժամանակ սպանվել է 10 մարդ…
«Նուբարաշեն» ՔԿՀ-ում կալանավորին այցելած անձի մոտ 3 գր սպիտակ, փոշենման զանգված է հայտնաբերվել
Կալանավորին այցելած անձի մոտ փոշենման զանգված է հայտնաբերվել...
Խաբարովսկի օդանավակայանում ձերբակալվել է Չինաստանի երկու քաղաքացի, որոնք հափշտակել են շուրջ 2 մլրդ դոլար
Ընկերության գործունեության ընթացքում, նախնական հաշվարկներով, տուժել է ավելի քան 1.5 մլն մարդ…
ԱՄՆ-ում ոստիկանությունը մարդկանց մահվան մեջ կասկածվող թրմավաճառների խմբի է ձերբակալել
Ոստիկանությունը հայտնել է 8 ունցիա հերոինի բռնագրավման մասին...
ԱՄՆ-ում երեկույթին հրաձգության ժամանակ 7 մարդ տուժել է
Նրա խոսքով՝ երեք տուժածների վիճակը գնահատվում է որպես ծայրահեղ...
Նյու Յորքում ոստիկանը նախկին ամուսնու եւ իր սիրեցյալի դստեր համար մարդասպան է վարձել
34-ամյա Վալերիա Ցիցինելլիին անհապաղ կալանավորել են առանց գրավի դիմաց ազատ արձակվելու իրավունքի...