Մայիսի 13-ին, ժամը 18.40-ին, ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները Կասյան փողոցից գողությունը կատարելու կասկածանքով բերման են ենթարկել 1987 թ. ծնված Ռուստամ Մ.-ին, որը տվել է խոստովանական բացատրություն: Այս մասին NEWS.am-ը տեղեկանում է ոստիկանության լրատվական ծառայությունից:
Նշենք, որ մայիսի 11-ին՝ ժամը 17.43-ին, ոստիկանության Արաբկիրի բաժին է ներկայացել մի կին եւ հայտնել, որ ժամը 17.00-ի սահմաններում թիվ 58 երթուղու ավտոբուսի սրահում իր պայուսակից գողացել են դրամապանակը, որի մեջ եղել է գումար եւ կուտակային քարտ:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: