Վրաստանում մեկնարկեց Սեւծովյան տնտեսական համագործակցության խորհրդարանական վեհաժողովի՝ տնտեսական, առեւտրի, տեխնոլոգիական եւ բնապահպանական հարցերի հանձնաժողովի հիսուներկուերորդ նիստը:
Այս առնչությամբ, ԱԺ փոխնախագահ, ԲՀԿ խմբակցության անդամ Վահե Էնֆիաջյանը հայտարարություն է տարածել՝ նշելով.
«Նիստը նախագահելու պատիվն ունենալով հանդերձ` առանձնակի կարեւորում եմ խորհրդարանական դիվանագիտության բազմաճյուղ գործիքակազմը, որը համագործակցության լայն հարթակ է ձեւավորում:
Առաջնահերթությունները չեն փոխվել:
Երկրի շարունակական զարգացման եւ հզորացման համար տնտեսական բաղադրիչը շարունակում է մնալ ուշադրության կենտրոնում:
Ակնհայտ է, որ մեզ անհրաժեշտ է հզոր եւ մրցունակ տնտեսություն:
Ժամանակակից աշխարհում տնտեսական միջազգային դինամիկան լուրջ գործընթաց է, որին օրենսդիր մարմինը պետք է մշտապես պատրաստ լինի եւ արագ արձագանքի իրադարձությունների զարգացմանը:
Նմանօրինակ բարձր հարթակներում խորհրդարանական երկխոսությունները հնարավորություն են ստեղծում իրավական առավել ճկուն դաշտ ձեւավորելու համար:
Վստահ եմ, որ խորհրդարանական դիվանագիտությունը ոչ միայն օրենսդիր, այլեւ քաղաքական շփումների մեծ պլատֆորմ է, որը պետք է կիրառել առավել բարձր արդյունավետությամբ»:
