News
Լրահոս
News
Շաբաթ
Դեկտեմբեր 07
USD
478.03
EUR
530.47
RUB
7.5
ME-USD
0.06
Տեսնել լրահոսը

ԱՄՆ-Իրան պատերազմն ավելի ծանր կլինի, քան Իրաքի պատերազմը: Այս մասին հայտարարել է ամերիկացի սենատոր Բեռնի Սանդերսը՝ ի պատասխան The New York Times-ի այն հարցմանը, թե արդյոք ԱՄՆ նախագահ Դոնալդ Թրամփի վարչակազմը դիտարկում է Մերձավոր Արեւելք 120000 զինծառայող ուղարկելու ծրագիրը:

Այդ գաղափարը, հաղորդագրությունների համաձայն, առաջարկել է նախագահի ազգային անվտանգության հարցերով խորհրդական Ջոն Բոլթոնը, որն Իրաքի թեժ հակամարտության ժամանակ աշխատում էր Ջորջ Բուշի վարչակազմում:

«16 տարի առաջ ԱՄՆ-ն իր պատմության ամենակոպիտ սխալը թույլ տվեց՝ հարձակվելով Իրաքի վրա»,- հայտարարել է Սանդերսը Periscope-ի ուղիղ եթերում: Բացի այդ, նա Բոլթոնին պատերազմի աջակից է անվանել:

«Կարծես թե, Ջոն Բոլթոնը ցանկանում է պատերազմել Իրանում, որն, իմ կարծիքով, ավելի ծանր կլինի, քան Իրաքում»,- ասել է Սանդերսը: 

Նա նաեւ հայտնել է, որ աշխատում է Կոնգրեսում կոալիցիա ստեղծելու ուղղությամբ, որը նախագահ Թրամփին կստիպի Կոնգրեսից թույլտվություն խնդրել՝ Իրանում ռազմական գործողություններին մասնակցելու համար:

Հիշեցնենք, որ նախօրեին Թրամփը հերքել էր Times-ի տեղեկությունները՝ դրանք «ֆեյք նորություն» անվանելով:  

!
Այս նյութը հասանելի է նաև   Русский
Տպել
Ամենաշատ