News
Լրահոս
News
Ուրբաթ
Հոկտեմբեր 02
USD
488.58
EUR
573.93
RUB
6.32
ME-USD
0.01
Տեսնել լրահոսը


ՀՀ երկրորդ նախագահ Ռոբերտ Քոչարյանի խափանման միջոցի հարցով այսօրվա դատական նիստում Քոչարյանի պաշտպանական խմբի անդամ Հայկ Ալումյանը մեջբերեց մեղադրանքից մի դրվագ.

«Իշխանությունը պահելու և ընթացող քաղաքական իրադարձությունները ճնշելու գործին ներգրավվել են Ռոբերտ Քոչարյանի շրջապատի մերձավոր որոշ անձինք»։ Ալումյանը նաև ընդգծեց, որ այդ մերձավոր շրջապատից «որոշ անձանցից» որևէ մեկի անունը չի նշվում։ Բացի այդ, չի նշվում նաև, թե որքանով է այդ անձանց գործողությունների պատասխանատվությունը կրում Քոչարյանը։ «Մեղադրանքում չի նշվում, թե արդյոք պարոն Քոչարյանը կապ է ունեցել այդ անձանց հետ, արդյոք ինքն է հրահանգել կամ արդյոք ինքն իմացել է, չի խոչընդոտել։ Ինչո՞ւ այդ գործողությունների պատասխանատվությունը պետք է կրի պարոն Քոչարյանը»,- ասաց պաշտպանը։

«Որոշ անձանց» վերաբերյալ փոքր դիտարկում արեց նաև գործով մեղադրյալ Ռոբերտ Քոչարյանը։ Նա նույնպես ասաց, որ որևէ նշում կամ տվյալ չկա «որոշ անձանց» մասին և ավելին, որևէ գործողություն չի կիրառվել նրանց նկատմամբ։ «Ես կարող եմ միայն ենթադրություն անել, թե ինչու է այդ մասին գրված մեղադրանքում՝ քանի որ 10 սպանության փաստը այդ քրեական գործում ընդհանրապես չկա, այս դրվագը ներառել են՝ մարդկանց ուղեղը մտցնելու, թե կարող են այդ սպանությունները կատարված լինեն «մերձավոր անձանց» և այլնի, և այլնի կողմից։ Սա մարդկանց ինքնագիտակցության մեջ թույն մտցնելու համար է։ Այլ որևէ հիմնավորում չկա այս մեղադրանքում։ Երեք անձ սպանվել է «Չերյոմուխայից», իսկ առնվազն յոթ անձ այլ հանգամանքներում և հիմա փորձում են նման հիմնավորումներ տալ» -ելույթում հայտարարեց Քոչարյանը։

Հիշեցնենք, որ արդեն երրորդ օրն է դատարանը քննում է երկրորդ նախագահ Ռոբերտ Քոչարյանի նկատմամբ ընտրված խափանման միջոցի հիմնավոր լինել-չլինելու հարցը։ Նախքան գործը դատաքննության պատրաստելը դատավորը պետք է մեղադրյալի կալանքը փոփոխելու, վերացնելու կամ անփոփոխ թողնելու վերաբերյալ որոշում կկայացնի։

Համաձայն մեղադրական եզրակացության՝ Ռոբերտ Քոչարյանը 1998թ․ ապրիլի 9-ից մինչեւ 2008 թվականի ապրիլի 9-ը, զբաղեցնելով ՀՀ նախագահի պաշտոնը, տապալել է ՀՀ սահմանադրական կարգը։ Ինչպես նաեւ իր պաշտոնեական դիրքն օգտագործելով «Թի Էս Էս Սի Արմենիա» ՍՊ ընկերության միակ մասնակից եւ տնօրեն Սիլվա Համբարձումյանի օգտին գործողություններ կատարելուն նպաստելու, 2008 թվականի փետրվարին եւ մայիսին Սամվել Մայրապետյանի օժանդակությամբ նրանից ստացել է առանձնապես խոշոր չափերով՝ 927․000․000 ՀՀ դրամին համարժեք 3․000․000 ԱՄՆ դոլար կաշառք։ Ռոբերտ Քոչարյանի փաստաբանները պնդում են, որ մեղադրանքն անհիմն է, եւ իրականացվում է քաղաքական հետապնդում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Որ գնացել են թալան անելու, ես ներողություն խնդրե՞մ». սեւազգեստ մայր
Սարգիս Քլոյանը հայտարարեց, որ իրենք չեն ներկայանալու Ռոբերտ Քոչարյանի գործով դատական նիստերին…
Ո՞ր փաստերն են ներառվել և որո՞նք մոռացվել մարտի 1-ի գործում. Էլինար Վարդանյան
Նա նշեց, որ 2008 թ. մարտի 1-ի նախօրեին ԱԱԾ-ն տեղեկություններ ուներ ռազմական օբյեկտների վրա...
Մարտի 1-ի նախօրեին ԱԱԾ-ն տեղեկություններ ուներ ռազմական օբյեկտների վրա հարձակումների նախապատրաստման մասին․ Օհանյան
ԱԱԾ տեղեկություններով՝ հանրահավաքի մասնակիցների մոտ զենք է եղել, հատկապես պատերազմի նախկին մասնակիցների մոտ․․․
Մարտի 1-ի դատավարությունը սպառվել է. Էլինար Վարդանյան
Բարձր էյֆորիկ ալիքը իշխանության հետ արդեն սկսել է խաղալ իր չար կատակը…
Ավագանին տվեց իր համաձայնությունը. Երեւանում «Մարտի 1»-ի զոհերի հիշատակի հուշարձան կտեղադրվի
Հարցի քննարկման ժամանակ ավագանու անդամնեը մեկ րոպե լռությամբ հարգեցին մարտի 1-ի զոհերի հիշատակը...
Ես ինքս տեսնում եմ դատական նիստերը ձգձգելու միտումներ. Բադասյանը՝ Մարտի 1-ի զոհերի իրավահաջորդների հայտարարության մասին
Ես ամբողջությամբ ծանոթ չեմ Մարտի 1-ի զոհերի հարազատների տարածած հայտարարությանը և իրենց պատճառաբանություններին...
Ամենաշատ