News
Լրահոս
News
Չորեքշաբթի
Սեպտեմբեր 18
USD
476.1
EUR
524.47
RUB
7.42
ME-USD
0.09
Տեսնել լրահոսը

«168 ժամ» թերթը գրում է. «Աբովյանի քաղաքապետի արտահերթ ընտրությունները, ինչպես հայտնի է, տեղի կունենան հունիսի 9-ին: Աբովյանում իրավիճակն օր օրի ավելի է լարվում, կրքերը թեժանում։ Իշխանությունները, այդ թվում՝ իշխանական ուժի՝ «Քաղաքացիական պայմանագիր» կուսակցության ներկայացուցիչ, Կոտայքի մարզպետ Ռոմանոս Պետրոսյանի միջոցով քայլեր են ձեռնարկվում գործող քաղաքապետ եւ քաղաքապետի թեկնածու Վահագն Գեւորգյանի նկատմամբ։ ԶԼՄ-ները բազմիցս անդրադարձել են տիրող իրավիճակին եւ իրավապահ մարմինների կողմից Աբովյան համայնքում անցկացվող լայնածավալ ստուգումների մասին։ Այս կապակցությամբ մենք հարց ենք ուղղել Վահագն Գեւորգյանին։

Պրն Գեւորգյան, մենք տեղեկություններ ունենք, որ արդեն մի քանի ամիս է՝ իրավապահ մարմինները լայնածավալ ստուգումներ են իրականացնում Աբովյան համայնքում, նույնիսկ կան հարուցված քրեական գործեր։ Ի՞նչ կասեք այդ մասին, ի՞նչ իրավախախտումների մասին է խոսքը։

Այո, իսկապես, արդեն մի քանի ամիս է, ինչ իրավապահ տարբեր մարմիններ՝ Դատախազությունը, ոստիկանությունը, քննչական մարմիններն ինչ-որ հաղորդումների հիման վրա, որոնք հստակորեն ուղղորդվում են մի կենտրոնից, լայնածավալ միջոցառումներ են իրականացնում համայնքապետարանում։

Ստուգում են ամեն ինչ, քրքրում են մանրակրկիտ կերպով, ճիշտն ասած, չգիտեմ՝ ինչ են ման գալիս։ Ստուգել են ավելի քան 6 մլրդ բյուջեն, սոցիալական ծրագրերը, մեր մարզի «հարգարժան» մարզպետի հաղորդումների հիման վրա տակնուվրա են արել աճուրդների հետ կապված փաստաթղթերը, իրավական եւ մասնագիտական հսկողության անվան տակ մարզպետարանից գործուղված ռեւիզորների կազմած փաթեթները։ Թող փնտրեն, ինչքան ցանկանում են, ես մի բան կարող եմ միայն ասել՝ իմ խիղճը հանգիստ է, ձեռքերս մաքուր են, հավատս՝ անսպառ, որ ամեն ինչ լավ է լինելու։

Այս ամենն ինչո՞վ եք պայմանավորում։

Ես կարծում եմ՝ այս ամենը նախընտրական գործընթացներով է պայմանավորված։ Մեր հարգարժան ընդդիմախոսները որոշել են նման գործընթացներ նախաձեռնելով՝ ստվերել մինչ այժմ մեր կատարած աշխատանքները, նախընտրական քարոզչությունից առաջ ստանալ մեկնարկային լավ պայմաններ, իբր թե ամենաթողության ու անարդյունավետ կառավարման կեղծ պատրանքներ ստեղծել։ Կարծում եմ՝ չի հաջողվի, մեր համայնքի բնակիչները լավ են տեսնում՝ ով ինչով է զբաղվում, եւ հունիսի 9-ին ընտրությունների միջոցով իրենց վճռական կամքը կարտահայտեն»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Ոչ վարչապետը, ոչ ԱԺ նախագահը իրավունք չունեն Սահմանադրական դատարանի որոշումները քննադատել. Շահնազարյան
Սա հակասահմանադրական գործընթաց է, անգրագիտության ցայտուն դրսեւորում...
Այս կառավարությունում աշխատելը մարդու համար լինելու է իր կենսագրության ամենասեւ էջը. Շահնազարյան
Մենք ունենք թարս բուսնած վարչապետ դրանից բխող բոլոր հետեւանքներով...
Վանեցյանը շուտով ստիպված է լինելու բացատրություններ տալ քաղաքական պատվերով մարդկանց վրա գործեր կարելու համար. Մինասյան
Արթուր Վանեցյանն է շատ շուտով ստիպված լինելու բացատրություններ տալ...
Արթուր Վանեցյանի հրաժարականը վկայում է իշխանության ներսում տիրող խառնաշփոթի մասին. Դավիթ Շահնազարյան
Եւ, ոչ թե առնետներն են լքում նավը, այլ առնետներին են նավից դուրս շպրտում, բայց դրանից ոչինչ չի փոխվում...
Իմ հրաժարականի մասին ես խոսել եմ միայն իմ ընտանիքի՝ կնոջս, երեխաներիս և ծնողներիս հետ. Վանեցյան. Factor.am
Առաջիկայում, եթե անհրաժեշտություն առաջանա մեկնաբանել հրաժարականի տեքստը, անպայման կմեկնաբանեմ…
Վանեցյանն իր հայտարարությամբ դրսեւորեց մի որակ, որը խորթ էր վարչապետ Նիկոլ Փաշինյանին. Հայրիկյան
Չեկիստածին իշխանավորները առ այսօր նույնիսկ ձին չեկիստա են նշում Ազգային անվտանգության ծառայության օր հայտարարելով չեկիստի օրը…