News
Լրահոս
News
Չորեքշաբթի
Սեպտեմբեր 18
USD
476.1
EUR
524.47
RUB
7.42
ME-USD
0.09
Տեսնել լրահոսը

Ճապոնիայի ԱԳ նախարար Տարո Կոնոն Իրանի ԱԳ նախարար Մոհամմադ Ջավադ Զարիֆի հետ հանդիպմանը իսլամական հանրապետությանը կոչ է արել պահպանել Իրանի միջուկային ծրագրով Գործողությունների համատեղ համապարփակ ծրագիրը հայտնում է «Կիոդո» գործակալությունը:

«ԳՀՀԾ համաձայնագրի պահպանումը միջուկային զենքի չտարածման, ինչպես նաեւ Մերձավոր Արեւելքում խաղաղության եւ կայունության գրավականն է»,- ասել է Կոնոն: Նա հայտարարել է այս տարածաշրջանում «լարվածության թուլացման համար ջանքերի անհրաժեշտության» մասին:

Ի պատասխան՝ Զարիֆը հայտարարել է, որ Իրանը չի պատրաստվում ԳՀՀԾ-ից դուրս գալ եւ Ճապոնիայի հետ համագործակցության հույս ունի համաձայնագրով նախատեսված պայմանավորվածությունների պահպանման հարցում: AFP գործակալության տեղեկություններով՝ Զարիֆը հանդիպման ժամանակ նաեւ ասել է, որ Իրանը հիմա «առավելագույն զսպվածություն է դրսեւորում» եւ անընդունելի է համարել «ԱՄՆ-ի կողմից էսկալացիայի մեծացումը»:

Չնայած միջուկային համաձայնագրից ԱՄՆ-ի դուրս գալուն, Ճապոնիան անհրաժեշտ է համարում ԳՀՀԾ-ի պահպանումը: Մինչ այս 2 երկրների ԱԳ նախարարները հանդիպել էին նոյեմբերին: Սպասվում է, որ Զարիֆը կընդունի նաեւ Ճապոնիայի վարչապետ Սինձո Աբեին:

Իրանը միջուկային համաձայնագրից ԱՄՆ-ի դուրս գալու մեկամյակին՝ մայիսի 8-ին, հայտարարել է ԳՀՀԾ որոշ կետերի կատարումը դադարեցնելու մասին, որոնք վերաբերում են հարստացված ուրանի եւ ծանր ջրի պաշարներին: Թեհրանը հայտարարել է, որ իրեն սահմանափակումներով կապակցված չի համարում: Իրանում նշել են, որ ընդունած միջոցառումները կապված են ԱՄՆ-ի կողմից միջուկային գործարքի խախտումների եւ Վաշինգտոնի կողմից Թեհրանի դեմ պատժամիջոցներ մտցնելու հետ, ինչպես նաեւ ծագած խնդիրները պատշաճ կերպով լուծելու հարցում ԳՀՀԾ մյուս անդամների (Գերմանիա, Ֆրանսիա, Մեծ Բրիտանիա, Չինաստան եւ Ռուսաստան) անընդունակության հետ:

Այս կապակցությամբ Իրանը նշված երկրներին 60 օր է հատկացրել Իրանի շահերը ապահովելու համար՝ միաժամանակ խոստանալով վերադառնալ դադարեցված պարտավորությունների կատարմանը, եթե նրանց հաջողվի լուծել ԱՄՆ գործողությունների պատճառով ծագած խնդիրները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանի հոգեւոր առաջնորդը հայտնել է, որ ԱՄՆ-ի հետ ոչ մի բանակցություն չի լինի
Այդպիսի շփումների անցկացումը կնշանակի Իրանի վրա ճնշում գործադրելու ամերիկյան քաղաքականության հաջողությունը…
Ռոհանին ՄԱԿ-ի Գլխավոր ասամբլեայի շրջանակում չի հանդիպի Թրամփի հետ
«Այդ տեղեկությունը ես չեմ հաստատում»,- ասել է Մուսավին՝ պատասխանելով Թրամփ-Ռոհանի հնարավոր հանդիպման մասին հարցին...
Թրամփը հայտնել է, որ պատրաստ չէ Իրանի ղեկավարությանը հանդիպել առանց նախապայմանների
ԱՄՆ նախագահ Դոնալդ Թրամփը իրականությանը չհամապատասխանող է անվանել այն տեղեկությունը, որ ինքը պատրաստ է…
Բոլթոնի հեռացումը չի ազդի Թեհրանի կողմից Վաշինգտոնի քաղաքականության ընկալման վրա․ Շամխանի
Նրա խոսքով՝ ԱՄՆ-ի նախկին եւ գործող նախագահները Իրանի ժողովրդի դեմ պատժամիջոցային քաղաքականություն են վարել․․․
Ռոհանին Մակրոնին. ԱՄՆ-ի հետ բանակցություններն անիմաստ են, քանի դեռ գործում են պատժամիջոցները
Իրանի եւ ԱՄՆ բանակցություններն անիմաստ են պատժամիջոցների առկայության պայմաններում...
Նեթանյահուն նոր իրանական միջուկային օբյեկտ է «հայտնաբերել»
Նեթանյահուն՝ Իրանի հետ միջազգային միջուկային համաձայանագրի բուռն քննադատ է․․․