News
Լրահոս
News
Հինգշաբթի
Դեկտեմբեր 02
Տեսնել լրահոսը

Չինական հեռահաղորդակցային սարքավորումների ամենախոշոր արտադրող Huawei-ը ասել է, որ ԱՄՆ անհիմն սահմանափակումներն ընկերության հանդեպ չեն օգնի Վաշինգտոնին անվտանգություն ստանալ եւ ավելի ուժեղ դառնալ, Ամերիկան ստիպված է լինելու օգտվել ավելի թանկ եւ պակաս անվտանգ այլընտրանքից, տեղեկացնում է ՌԻԱ «Նովոստի»-ն։

Ավելի վաղ ԱՄՆ առեւտրի նախարարությունը հայտարարել էր, որ մտադիր է Huawei-ը մտցնել սեւ ցուցակ։ Նրա 70 մասնաճյուղերը նույնպես կհայտնվեն սեւ ցուցակում «ԱՄՆ ազգային անվտանգությանը հակասող գործունեության պատճառով»։

«Եթե ԱՄՆ-ը սահմանափակի Huawei-ին, դա չի օգնի նրան ձեռք բերել ավելի մեծ անվտանգություն, ինչպես եւ ԱՄՆ-ն ավելի ուժեղ չի դարձնի։ Դա կստիպի նրան օգտվել ավելի ցածրորակ ու ավելի թանկ այլընտրանքից, հայտնվել 5G ցանց կերտող երկրների վերջում»,- ասվում է ընկերության տարածած հայտարարությունում։

Huawei-ը հայտարարել է, որ դա վերջնարդյունքում կանդրադառնա ամերիկյան ընկերությունների եւ սպառողների շահերի վրա։

«Սահմանափակումները նաեւ անպատշաճ ոտնձգություն են Huawei-ի իրավունքների դեմ եւ լուրջ իրավաբանական հարցեր են առաջացնում»,- ասվում է հայտարարությունում։

Huawei-ն, այնուամենայնիվ, պատրաստ է կապ պահպանել ԱՄՆ կառավարության հետ՝ իր արտադրանքի անվտանգության երաշխիքների ապահովման համար։

ԱՄՆ նախագահ Դոնալդ Թրամփը չորեքշաբթի հրամանագիր էր ստորագրել՝ «ազգային արտակարգ դրության» ռեժիմ հայտարարելով՝ տեղեկատվական տեխնոլոգիաների սպառնալիքների հետ կապված։ Առեւտրի նախարարին հանձնարարվել էր արգելել գործարքները, որոնք անընդունելի վտանգ են ստեղծում ԱՄՆ ազգային անվտանգության կամ ԱՄՆ բնակիչների անվտանգության համար։

Կոնկրետ երկրներ եւ ընկերություններ հրամանագրում չեն նշվում, բայց համարվում է, որ այն ուղղված է նախեւառաջ Չինաստանի եւ Huawei ու ZTE ընկերությունների դեմ։ Ավելի վաղ ԱՄՆ-ը հայտարարել էր, որ կխոչընդոտի Huawei-ի սարքավորումների օգտագործմանը ինչպես ԱՄՆ-ում, այնպես էլ այլ երկրներում 5G սերնդի սարքավորումների ստեղծման գործում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
iPhone 13-ի պահանջարկը սպասվածից ցածր է
Ընկերության շահույթը վերջին եռամսյակում նվազել է մոտ 6 մլրդ դոլարով...
Աննկարագրելի քանակի հաշիվներ են կոտրվում․ մի՛ մուտքագրեք ձեր գաղտնաբառն ամեն անհայտ հղումով․ փորձագետ
Ցավոք, ես չէի պատկերացնում Հայաստանում «Ինստագրամ» ու «Ֆեյսբուք» պրոֆիլների կոտրվելու մասշտաբները…
Հայտնի է iPhone SE 3-ի թողարկման ամսաթիվը
Ըստ վերջին տվյալների՝ iPhone SE 3-ը կպատրաստվի նույն դիզայնով, ինչ երկու տարվա վաղեմության մոդելները եւ կլինի ընկերության միակ սմարթֆոնը՝ 4,7 /․․․
Ներկայացվել են Honor 60 շարքի սմարթֆոնները
Honor 60-ը եւ 60 Pro-ն ունեն համապատասխանաբար 6,67 եւ 6,78 դյույմանոց էկրաններ․․․
Twitter-ը թույլ չի տա իր հարթակում լուսանկարներ եւ տեսանյութեր տեղադրել առանց օգտատիրոջ համաձայնության
Twitter Inc-ը հայտարարել է, որ թույլ չի տա իր հարթակում տեղադրել լուսանկարներ եւ տեսանյութեր՝ առանց դրանցում պատկերված անձի համաձայնության...
Աշխարհի առաջին «կենդանի ռոբոտներն» այժմ կարող են վերարտադրվել
Ռոբոտների մասին մանրամասները հրապարակվել են անցյալ տարի այն բանից հետո, երբ փորձերը ցույց տվեցին, որ դրանք կարող են շարժվել եւ ինքնաբուժվել...
Ամենաշատ