News
Լրահոս
News
Երկուշաբթի
Հունվար 24
USD
481.63
EUR
545.49
RUB
6.17
Տեսնել լրահոսը

Տեղեկատվական տեխնոլոգիաների ոլորտում անհնար է արդյունավետ արդյունքների հասնել առանց պիլոտային նախագծերի: Մայիսի 16-ին Երեւանում ընթացող «Արեւելյան գործընկերության» թվային հմտությունների տարածաշրջանային ցանցի 6-րդ սեմինարում այս մասին ասաց Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանը:

Նրա խոսքով՝ այսօր Հայաստանում 2 պիլոտային նախագիծ արդեն անցել է արդյունավետորեն ռեալ գործող ծրագրերի մակարդակ: «Սակայն մինչեւ մի երկրի հաջողված պիլոտային ծրագիրը մյուսում կիրառելը, այն պետք է որոշակի փոփոխությունների ենթարկվի՝ հաշվի առնելով տեղային պայմանները: Համաշխարհային արվեստ գոյություն չունի, կա ազգային արվեստների սինթեզ, նույն կերպ եւ չկա համաշխարհային կրթություն, բայց կա տարբեր երկրների կրթական համակարգերի որոշակի սիմբիոզ»,- նշեց նա:

Վարդանյանն ընդգծեց «Ռեալ դպրոցի» հաջող փորձը, որտեղ սովորում են 15-ից մինչեւ 18 տարեկան երեխաներ, ինչպես նաեւ «Արմաթի» 260 գործող ինժեներական լաբորատորիաները, որոնցում սովորում են 10-ից մինչեւ 18 տարեկան 6300 երեխաներ: «Այսօր արդեն հաջողություններ կան: Թալինից «Արմաթի» լաբորատորիայի 14 տարեկան աշակերտը ընկերություն է ստեղծել, որն աշխատում է վիրտուալ իրականության ոլորտում: Մենք իշխանությունների ներկայացուցիչների հետ քննարկում ենք Հայաստանի բոլոր դպրոցներում այսպիսի լաբորատորիաների ներդրման հնարավորությունը»,- հավելեց նա:

Փորձագետի կարծիքով՝ կարեւոր է փոխել նրանց գիտակցությունը, ովքեր ներգրավված չեն բարձր տեխնոլոգիաների ուսուցմանը, ընդ որում՝ դա պետք է անել եղած հաջող օրինակների շնորհիվ: «Վերջերս գերմանական ընկերություններից մեկը Վանաձորում մասնաճյուղ բացեց, որտեղ կաշխատեն 14-ից 18 տարեկան 80 ուսանողներ աշխատանքային 4-ժամյա գրաֆիկով եւ 220 դոլար միջին աշխատավարձով: Ապագա ուսանողի համար սա շատ լավ օժանդակություն է եւ կարող է օրինակ ծառայել ու մյուսներին ոգեւորել, որպեսզի ձգտեն գիտելիքներ ստանալ տեղեկատվական տեխնոլոգիաների ոլորտում»,- եզրափակեց Կարեն Վարդանյանը:

Նշենք, որ մայիսի 16-ին Երեւանում ընթանում է «Արեւելյան գործընկերության» թվային հմտությունների տարածաշրջանային ցանցի 6-րդ սեմինարը, որին մասնակցում են Ուկրաինայի, Վրաստանի, Մոլդովայի, Բելառուսի, Լատվիայի ներկայացուցիչները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայտնի է դարձել Apple-ի նոր գաջեթների մասին
Սմարթֆոններից բացի, ընկերությունը կներկայացնի թարմացված AirPods Pro-ն, էժան iPad-ների շարքը եւ iPad Pro-ի նոր սերունդը...
TikTok-ը սկսել է վճարովի բաժանորդագրություններ թեստավորել
Գործառույթը թույլ կտա օգտատերերին վճարել սոցցանցի հեղինակների լրացուցիչ կոնտենտի համար...
Տեխասի գլխավոր դատախազը դատի է տվել Google-ին
Հայցում հանրապետական ​​գլխավոր դատախազ Քեն Փաքսթոնն ասել է, որ Google-ը կեղծ եւ ապակողմնորոշիչ պրակտիկա է իրականացնում...
Ճապոնացի գիտնականները կորոնավիրուսով վարակման դեպքում լուսավորվող դիմակ են ստեղծել
«Սա հարմար եւ էժան միջոց է, որը կանխում է COVID-19 վիրուսի մուտքը մարդու օրգանիզմ...
Twitter-ը պարտվել է Ֆրանսիայում համացանցում ատելության խոսքի տարածման մասին գործով
Twitter-ը պարտավորվում է մանրամասներ տրամադրել այն մարդկանց թվի, ազգության, լոկալիզացման եւ խոսակցական լեզվի վերաբերյալ, ում այն վարձում է հարթակի ֆրանսերեն տարբերակի քոնթենթի մոդերացման համար...
Instagram-ը վճարովի բաժանորդագրության գործառույթ կմտցնի
Վճարովի բաժանորդագրությունը թույլ կտա օգտատերերին շահ ունենալ կոնտենտից...