News
Լրահոս
News
Ուրբաթ
Փետրվար 28
USD
478.49
EUR
523.13
RUB
7.28
ME-USD
0.04
Տեսնել լրահոսը


«0038» հրամանին ծանոթանալուց հետո համոզվել եմ, որ այն ճիշտ ժամանակին կայացված հրաման էր. այդ հրամանի շնարհիվ է, որ հաջողվել է խուսափել հնարավոր վատ հետեւանքներից։ Այս մասին այսօր՝ մայիսի 16–ին Երեւանի ընդհանուր իրավասության դատարանում հայտարարեց ՀՀ երկրորդ նախագահ Ռոբերտ Քոչարյանը։

Երկրորդ նախագահը ծավալուն ելույթ ունեաց իրեն առաջադրված մեղադրանքի վերաբերյալ եւ մանրամասն նկարագրեց 2008թ. փետրվարի 23–ից մարտի 1–ն ընկած ժամանակահատվածում տեղի ունեցած իրադարձությունների ընթացքը։

«Փետրվարի 19–ի նախագահական ընտրություններից անմիջապես հետո 21,5 տոկոս քվե ստացած թեկնածուն հայտարարել էր, որ ինքն ընտրված նախագահ է։ Դա իր իրավունքն է, հիմա կարող է նման բան հայտարարել։ Փետրվարի 20–ին հայտարարվեց շուրջօրյա հանրահավաքներ անցկացնելու մասին եւ չափազնաց մեծ էր հավանականությունը, որ ԵԿՄ–ին պատրաստվում է միանալ  ընդդիմությանը, ոչ միայն Մանվել Գրիոգրյանը եւ Գագիկ Մելքոնյանը  այլեւս ողջ ԵԿՄ –ում էին այդ խմորումները։ Ընդհատել եմ իմ այցը Մոսկվա եւ վերադարձել եմ փետրվարի 22–ի ուշ երեկոյան։ Օդանավակայանում ինձ դիմավորեցին անվտանգության խորհրդի քարտուղարները, ոտքի վրա ինձ զեկուցեցին իրավիճակը։ Դրանից հետո ցանկություն հայտնեցին հաջորդ օրը հանդիպել բարձրագույն հրամանատարական կազմի հետ»,–ասաց Քոչարյանը՝ նշելով, որ դա բարձրագույն զինվորական անձնակազմի հետ տասը տարվա ընթացքում առաջին հանդիպումն էր նախագահական նստավայրում։

«Պատկերացրեք մի վիճակ, երբ որպես նախագահ ես սահմանադրության երաշխավորն եմ  եւ տեղեկություն եմ ստանում, որ բանակի բարձրագույն հրամանատարական կազմը ներքաշվում է քաղաքական գործընթացներին, ի՞նչ պետք է անի գերագույն գլխավոր հրամանատարը։ Բնական է, որ պետք է հանդիպի բարձրագույն հրամանատարական կազմի հետ եւ զգուշացնի, որ դա անթույլատրելի է եւ որ այնպիսի հետեւանքների կարող է բերել, որոնք ուղղակի կկործանեն Հայաստանի Հանրապետությունը»,–ասաց նա։

 Քոչարյանը նշեց, որ ինքը չի  ասել ում հրավիրել այդ խորհրդակցությանը։ Նրա խոսքով՝ հանդիպումը տեւել է քսան րոպե, ոչ ավելի։

«Չի եղել քննարկում, հաղորդակցումը եղել է միակողմանի, ես ուղակի իմ մոտեցումն եմ հայտնել։ Առաջինը ասել եմ, որ հասունանում է ներքաղաքական ճգնաժամ, մենք գիտեինք , որ պարտված կողմը չի ընդունելու ընտրությունների արդյունքները, ճանաչելով այն անձանց, ովքեր ներգրավաված էին այդ պրոցեսների մեջ, մեծ վստահություն կար, որ այս գործընթացը կարող է վտանգավոր հետեւանքների բերել։ Մեր խնդիրը սահմաններերում չափազանց ուշադիր լինելն էր, քանի որ հակառակորդը կարող է օգտվել այս իրավիճակից։ Ես, Լեռնային Ղարաբաղում ղեկավար լինելով, օգտվել եմ այն հանգամանքից որը տեղի է ունեցել Ադրբեջանում 1993թ. երբ Ադրբեջանում քաղաքական ճգնաժամ էր։ Այդ ընթացքում մենք երեք շրջան ենք ազատագրել։ Այդքանն աչքիս առաջ ունենալով, իհարկե, ես զգուշացրել եմ, որ պետք է լրիվ այլ կարգի ծառայության ռեժիմով այդ ժամանակահատվածը հաղթահարենք»,–հայտարարեց նա։

Ռոբերտ Քոչարյանի կարծիքով՝  բանակը զորանոցային վիճակին բերելն առաջին հերթին  եղել է այդ նպատակին հասնելու համար եւ հրամանով հաստավեց զորանոցային վիճակ։

 «Երկրորդը ԵԿՄ–ի հետ կապված հարցն եմ բարձրացրել։ Շատ հստակ էր դրված խնդիրը. կամ դուք ԵԿՄ–ում եք կամ քաղաքական գործիչ»,–ասաց նա՝ նշելով, որ խորհրդակցությանը մասնակցած շոտ անձանց ցուցմունքները հիմանավորում են իր ասածը։

«Այս երկու հարցն իրար հետ փոխկապակցված են, քանի որ, եթե այստեղ բանակի պառակտում տեղի ունենար, ուրեմն հակառակորդն անպայման կօգտվեր այդ ընձեռած հնարավորությունից։ Չանել այդ հանդիպումն ուղղակի հնարավոր չէր, քանի որ հետեւաքնների առումով ամբողջ պատասխատավությունեը ես էի կրելու»,–ասաց նա՝ շեշտելով, որ որեւէ հանձնարարական կամ հրաման, այդ խորհրդակցության օրը ինքը չի տվել։

«Իմ աշխատելաոճն այն է, որ ես երբեք ոչ ոքին չէի ասում, թե դու ինչպես պետք է քո խնդիրը լուծես։ Ես միշտ դրել եմ խնդիր. տվյալ մարմնի պարտականությունն էր՝ ինչպես լուծել խնդիրը։ Այն ժամանակ, մինչեւ հիմա էլ բանակը ամենից կայացած պետական ծառայություն էր, նախարարը 12 տարվա գլխավոր շտաբի պետի փորձ ուներ եւ իրենց ասել, թե դուք ոնց պետք է լուծեք այդ հարցը, դա իմ խնդիրը չէր»,–ասաց նա։

Քոչարյանը նշեց, որ նույն օրը պաշտպանության նախարարը արձակել է «0038» հրամանը, որի մասին ինքն իմացել է միայն այս գործի շրջանակներում։

«Ծանոթանալուց ես համոզվել եմ, որ շատ ճիշտ ժամանակին կայացված հրաման էր.  այդ հրամանի շնարհիվ է, որ հաջողվել է կանխել հնարավոր վատ հետեւանքները, հրամանը որեւէ հակաօրինական կետ իր մեջ չի պարունակում եւ ամբողջությամբ Պաշտպանության նախարարի լիազորոություներում է»,–հայտարարեց Ռոբերտ Քոչարյանը։

Հիշեցնենք, որ Երեւան քաղաքի ընդհանուր իրավասության դատարանում՝ դատավոր Դավիթ Գրիգորյանի նախագահությամբ արդեն 4–րդ օրն է ընթանում է ՀՀ երկրորդ նախագահ Ռոբերտ Քոչարյանի խափանման միջոցի հիմնավորվածության վերաբերյալ հարցի քննությունը։

Ռոբերտ Քոչարյանը մեղադրվում է ՀՀ սահմանադրական կարգը տապալելու, ինչպես նաեւ իր պաշտոնեական դիրքն օգտագործելով «Թի Էս Էս Սի Արմենիա» ՍՊ ընկերության միակ մասնակից եւ տնօրեն Սիլվա Համբարձումյանի օգտին գործողություններ կատարելուն նպաստելու համար առանձնապես խոշոր չափերով կաշառք ստանալու համար։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խնդրում ենք Նիկոլ Փաշինյանի օրոք օրենքը կիրառել այնպես, ինչպես իր նկատմամբ կիրառվել է Սերժ Սարգսյանի օրոք. Ալումյան
Նիկոլ Փաշինյանը եւ մյուսները բանտում նստած չեն, որովհետեւ այդ ժամանակ 6 դատախազները համարում էին, որ 300.1 հոդվածը 2008-ի 300 հոդվածի համեմատ նոր հանցակազմ է սահմանում...
Դատավոր Աննա Դանիբեկյանը՝ տեսնելով, թե ինչ եղավ Դավիթ Գրիգորյանի հետ, իր հետեւություններն արել է. Լեւոն Քոչարյան
Ես այնքան էլ չեմ կիսում նրանց լավատեսությունը, քանի որ դատավոր Դանիբեկյանն այն դատավորն է, որ անտեսել է ՍԴ որոշումը եւ դրանից հետո ես որեւէ ակնկալիք չունեմ, որ նա կիրականացնի արդարադատություն…
Քոչարյանի փաստաբանը հույս ունի, որ դատարանը կբավարարի քրեական հետապնդումը դադարեցնելու մասին միջնորդությունը
«Սա այն սահմանն է, որից հետո մենք դուրս ենք գալիս իրավական գործընթացից: Ամբողջ գործընթացն ապօրինի է, բայց սա կլինի վերջին քայլը...
2008 թվականին ոստիկանությունը չէր ենթարկվում նախագահին, այժմ ենթարկվում է վարչապետին. Ռոբերտ Քոչարյան
Այս մասին դատարանում հայտարարեց ՀՀ երկրորդ նախագահ Ռոբերտ Քոչարյանը՝ մեկնաբանելով տուժող կողմի ներկայացուցիչ Սեդա Սաֆարյանի հայտարարությունները...
Դատավորը կալանքի անօրինական որոշումը չեղարկելու շանս ունի. Լեւոն Քոչարյան
Դատավորը կալանքի անօրինական որոշումը չեղարկելու եւ իրավիճակից պատվով դուրս գալու շանս ունի...
Քոչարյանի գործով դատախազը չի մեկնաբանել նախկին վարչապետների երաշխավորությունների հետ կապված տեղեկությունները
Նախօրեին հայտնի էր դարձել, որ ՀՀ նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը եւ Արցախի նախկին վարչապետ Անուշավան Դանիելյանը մտադիր են անձնական երաշխավորություն ներկայացնել Ռոբերտ Քոչարյանի համար...