Ֆլորիդայում ալիգատորը հայտնվել է ԱՄՆ ՌՕՈՒ բազայի թռիչքուղում: Զինվորականները բեռնիչ են օգտագործել սողունին դուրս բերելու համար:
Tampa Bay Times-ը հաղորդում է, որ խոշոր սողունը նկատվել է Մաքդիլ ՌՕՈՒ բազայի թռիչքուղում: Facebook-ի էջում բազայի աշխատակիցները հրապարակել են գիշատիչի նկարը՝ նշելով, որ «ընկերասեր ալիգատորը պարզապես պատրաստվում էր թռիչքին»:
Ենթադրաբար ալիգատորը դուրս է եկել բազայի ջրամբարներից մեկից: Նրան անվտանգ վայր են տեղափոխել: