News
Լրահոս
News
Չորեքշաբթի
Մայիս 22
Տեսնել լրահոսը

Գերմանիան ՆԱՏՕ-ին հայտնել է պաշտպանության համար տասնամյակների ընթացքում առաջին անգամ հատկացումների զգալի  ավելացման մասին, հաղորդում է dpa-ն՝ վկայակոչելով իր տրամադրության տակ գտնվող տվյալները:

Այս տեղեկությունների համաձայն՝ Գերմանիայի կառավարությունն ակնկալում է, որ ընթացիկ տարում ՆԱՏՕ-ի համար հատուկ կարեւորություն ունեցող Գերմանիայի ռազմական ծախսերը կկազմեն 47,32 մլրդ եվրո` հինգ տոկոսով ավելին, քան նախկինում:  Գերմանիայի պաշտպանական ծախսերը կհասնեն ՀՆԱ-ի 1.35 տոկոսին: Սա կդառնա Սառը պատերազմի ավարտից ի վեր Գերմանիայի ռազմական բյուջեի խոշորագոււյն աճ, հաղորդում է DW-ն:

2020 թ. ռազմական կարիքների համար Գերմանիայի կողմից  հատկացվող միջոցները կավելանան մինչեւ 49.67 մլրդ եվրո, ինչը կհամապատասխանի ՀՆԱ-ի 1.38 տոկոսին: 2018 թ.-ին այս ցուցանիշն, ըստ վերջին տվյալների, կազմել է ՀՆԱ-ի ընդամենը 1,23 տոկոսը:

Ինչպես նշում է dpa-ն, Գերմանիայի կառավարությունը, ՆԱՏՕ-ին փոխանցելով այս տեղեկությունը, ըստ ամենայնի, հուսով է գոնե ժամանակավորապես դադարեցնել դաշինքում ռազմական ծախսերի վերաբերյալ վեճերը:

2018 թ. ամռանը Բրյուսելում ՆԱՏՕ-ի գագաթաժողովում Թրամփն անգամ չէր բացառել ՆԱՏՕ-ից ԱՄՆ-ի դուրս գալու հնարավորությունը, եթե դաշինքի բոլոր անդամները անմիջապես չավելացնեն  ռազմական ծախսերը ՀՆԱ-ի մինչեւ 2 տոկոսի սահմաններում:

!
Այս նյութը հասանելի է նաև   English and Русский
Տպել