News
Լրահոս
News
Հինգշաբթի
Մարտ 28
Տեսնել լրահոսը

Ճապոնիայում տեղի ունեցած երկրաշարժը եւ հաջորդած ցունամին էական ազդեցություն չեն թողնի այդ երկրի մեքենաների երկրորդային շուկայի վրա։ Այս մասին NEWS.am-ի թղթակցի հետ զրույցում նշեց Ճապոնիայից Հայաստան երկրորդային շուկայից մեքենաների ներկրմամբ զբաղվող Հենրի Մամյանը՝ ավելացնելով, որ ճապոնական մեքենաների վաճառքի աճուրդներում շաբաթական 50 հազար մեքենա է գրանցվում, որոնցից նույն ժամանակահատվածում 10 հազարը վաճառվում է։ «Նախ բացառվում է, որ Ճապոնիան թույլատրի ռադիացիայի ենթարկված մեքենաների արտահանումը, դրանք պարզապես կվաճառվեն հենց Ճապոնիայում, որպես մետաղի ջարդոն։ Այդ երկրում ընդհանրապես մետաղը շատ թանկ արժե, եւ ջարդոնի համար պիտանի մեքենաների մասնագիտացված խոշոր աճուրդներ են գործում, որոնք էլ երկրարշարժից ու ցունամիից վնասված մեքենաները կգնեն»,-ասաց Մամյանը։

Ըստ նրա, բացի վերոնշյալ հանգամանքներից, էկոլոգիական աղետի պատճառով անպիտան դարձած մեքենաների արտահանման սերտիֆիկատ չի տրվի Ճապոնիայի կառավարության կողմից։ «Այդ երկրում չափազանց խիստ են վերաբերում անորակ ապրանքի արտահանմանը, որը վերաբերում է նաեւ մեքենաներին: Եթե մեքենան չի համապատասխանում արտահանման պահանջներին, ապա այն արտահանման փաստաթուղթ չի ստանա։ Դա գործում է այն դեպքում նույնիսկ, եթե տեսականորեն մեքենան որոշակի նորոգումից հետո հնարավոր է օգտագործել: Ճապոնիայի կառավարությունը սահմանել է նորմեր, ըստ որոնց չի թույլատրվում վթարված մեքենան արտահանել, որովհետեւ հետագայում հնարավոր է անսարքության պատճառով այն վնասի վարորդին, այդ պատճառով, կարծում եմ, որ ռադիացիոն գոտում գտնված մեքենաների արտահանումը բացառվում է»,-նշեց գործարարը։

Անդրադառնալով Ճապոնիայի երկրաշարժի մեքենաների հայկական շուկայի վրա հնարավոր ազդեցության հարցին՝ Մամյանը նկատեց, որ այն գրեթե աննշան կլինի։ «Ճապոնիայից Հայաստան շատ քիչ քանակության մեքենա է ներկրվում, բացի դրանից բոլորը չէ, որ ներկրում են հենց Միյագիից ու Տոկիոյից, որոնք ամենաշատն են տուժել այս դեպքում»,- նշեց ավտոներկրող գործարարը՝ ավելացնելով, որ նշված շրջաններից Հայաստան մեքենա ներկրողները հնարավոր է մի քանի ամիս դադարեցնեն ներկրումը, կամ ստիպված կլինեն նոր կապեր հաստատել Ճապոնիայի այլ շրջաններում գործող ավտոաճուրդների հետ։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը. Սանոսյան
2021 թվականին մեր մետաղական հանքերը բյուջե են վճարել 52 միլիարդ դրամ ռոյալթի, հիմա սա այդ 52 միլիարդի 2 տոկոսն է, և այսպես՝ ամեն տարի: Հաջորդ...
«Էդվանստ այթի տեքնոլոջիս»-ը և «Քորասոֆթ Սոլուշնս»-ը ներառվեցին «ԷԿՈՍ» ազատ տնտեսական գոտու շահագործողների ռեեստրում
«Էկոս» ազատ տնտեսական գոտում շահագործողների գործունեությունը հնարավորություն կընձեռի ներգրավել ներդրումներ, խթանել բարձր և նորարարական տեխնոլոգիաների...
Կառավարությունը սահմանեց թեմատիկ հարկային ստուգումների մեթոդաբանությունը և ռիսկայնությունը
Կառավարությունն իր այսօրվա՝ մարտի 28-ի նիստում ընդունեց որոշում, որով...
2024-ին խմելու ջրի սակագինը չի փոխվի. Կառավարությունը կսուբսիդավորի մեկ քմ-ի դիմաց 206 դրամից 5,5 դրամը
Ըստ այդմ, 2024-ի պետական բյուջեի միջոցներից Ընկերությանը կտրամադրվի սուբսիդիա...
Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ
Նշված տարբերակներից որևէ մեկով արդեն իսկ գործող կամ ակտիվ էլեկտրոնային նույնականացման և էլեկտրոնային ստորագրության առկայության դեպքում լրացուցիչ...
ՎԶԵԲ-ը Հայաստանին կտա 92,3 մլն եվրոյի բյուջետային վարկ եւ 16 մլն եվրոյի դրամաշնորհ. Հայտնի են նպատակները
Կառավարությունն իր այսօրվա՝ մարտի 28-ի նիստում  հավանություն տվեց...
Ամենաշատ