Մայիսի 16-ին՝ ժամը 17:00-ի սահմաններում, ՀՀ ԱՆ «Արթիկ» քրեակատարողական հիմնարկի աշխատակիցները չնախատեսված խուզարկությունների արդյունքում խցերից մեկի վարդակի տակից հայտնաբերել եւ առգրավել են 1 բջջային հեռախոս, իսկ ՀՀ ԱՆ «Նուբարաշեն» քրեակատարողական հիմնարկում՝ 2 հատ սայր, 21 հատ ինքնաշեն խաղաքարտ, սիգարետի տուփի միջից՝ 1 բջջային հեռախոս:
Քրեակատարողական ծառայության հանրային կապերի բաժնից NEWS.am-ին հայտնում են, որ նույն օրը՝ ժամը 19:30-ի սահմաններում, ՀՀ ԱՆ «Հրազդան» քրեակատարողական հիմնարկում իրականացված չնախատեսված խուզարկությունների արդյունքում տարբեր խցերից հայտնաբերվել եւ առգրավվել են 7 բջջային հեռախոս, բջջային հեռախոսի լիցքավորման 3 սարք եւ 20 հատ գործարանային արտադրության խաղաքարտ:
Թվով 6 բջջային հեռախոս, բջջային հեռախոսի լիցքավորման 4 սարք եւ 1 wi-fi սարք էլ հայտնաբերվել են այսօր՝ ժամը 10:00-ի սահմաններում, ՀՀ ԱՆ «Սեւան» քրեակատարողական հիմնարկում իրականացված չնախատեսված խուզարկությունների արդյունքում:
Դեպքերի առթիվ նախապատրաստվում են նյութեր: