News
Լրահոս
News
Երկուշաբթի
Մայիս 20
Տեսնել լրահոսը

Արցախի նախագահ Բակո Սահակյանը եւ Արցախի երկրորդ նախագահ Արկադի Ղուկասյանը խնդրանքով դիմել են ՀՀ գլխավոր դատախազ Արթուր Դավթյանին` Արցախի առաջին նախագահ եւ ՀՀ երկրորդ նախագահ Ռոբերտ Քոչարյանի խափանման միջոցը՝ կալանավորումը փոխելու այլ խափանման միջոցով, որոշ ուժերի կողմից լրատվական դաշտ նետվեցին Արցախի եւ արցախցիների դեմ դավադրություների տեսությանը բնորոշ մտքեր եւ լեւոն տեր-պետրոսյանական, հախվերդյանական ու ղուշչյանական ոճով «թեզեր»: Այս մասին ֆեյսբուքյան իր էջում գրառում է կատարել Արցախի հերոս, գեներալ-լեյտենանտ Արշավիր Ղարամյանը։

«Մայիսի 7-ից սկսած, երբ հայտնի դարձավ, որ Արցախի նախագահ Բակո Սահակյանը եւ Արցախի երկրորդ նախագահ Արկադի Ղուկասյանը խնդրանքով դիմել են ՀՀ գլխավոր դատախազ Արթուր Դավթյանին` Արցախի առաջին նախագահ եւ ՀՀ երկրորդ նախագահ Ռոբերտ Քոչարյանի խափանման միջոցը՝ կալանավորումը փոխելու այլ խափանման միջոցով, որոշ ուժերի կողմից լրատվական դաշտ նետվեցին Արցախի եւ արցախցիների դեմ դավադրություների տեսությանը բնորոշ մտքեր եւ լեւոն տեր-պետրոսյանական, հախվերդյանական ու ղուշչյանական ոճով «թեզեր»:

Կրքերը ավելի բորբոքելու համար որոշ անուղեղների կողմից նորից դաշտ նետվեցին դավաճանական թեզեր` «ղարաբաղցիները թուրք են, իսկ արցախցիները հայ», «ինչու են մեր երեխաները ծառայում Արցախում», «2016 թ.-ի ապրիլին ընդամենը մեկ արցախցի է զոհվել» եւ այլ աբսուրդի հասնող մտքի «գոհարներ»:

Շատ դեպքերում խայծը կուլ են տալիս նաեւ պետական պաշտոն զբաղեցնող որոշ անձինք, ինչպես նաեւ իրենց փորձագետ համարողներ, որոնց արտահատած անձնական կարծիքները մեդիադաշտում ու սոցիալական ցանցերում մանիպուլյացիաների ենթարկվելով հանգեցնում են խառնաշփոթության («Яблоко раздора»):

Կոչ եմ անում բոլորին ականջալուր լինել կրտսեր ընկերոջս՝ Տիգրան Մկրտչյանին /Տիգրան Մկրտչյան եւ վերջ դնել այս ազգակործան ու պետականակործան գործընթացներին` ամբողջ ներուժը Հայաստանին (ՀՀ եւ ԱՀ) սպասվող մարտահրավերներին դիմակայելուն ուղղելով:

«Հայաստանն ու Արցախը եղբայրական երկրներ չեն, հայաստանցիներն ու արցախցիները եղբայրներ չեն:

Հայաստան ու Արցախ երկու եղբայրական երկրներ չեն, որովհետեւ կա մեկ երկիր հայկական`ՀԱՅԱՍՏԱՆ, ե՞րբ ենք վերջապես սովորելու երկիրն ու պետությունը տարբերել: Հայաստան երկրի մեծ մասը զավթված, օկուպացված է օտար, ոչ հայկական պետությունների կողմից, իսկ Հայաստան երկրի հայահպատակ հատվածում կա ՀՀ եւ ԱՀ, ԱՀ-ի հետ կապված տարբեր կարծիքներ կան, բայց խոսքը դրա մասին չէ: Այս համատեքստում անընդունելի է, երբ ՀՀ–ն անվանում են Մայր Հայրենիք. հայրենիքը մեկն է եւ հայր, մայր, դուստր չկա:

Հայաստանցին ու արցախցին էլ եղբայրական ժողովուրդներ չեն, որովհետեւ մենք մեկ միասնական մարմին, սիրտ, հոգի ու արյուն ենք, մենք ՀԱՅ ենք»:

Տպել
Կարդացեք նաև
Ամբողջը
Խիստ անթույլատրելի է բռնությունը հատկապես երեխաների հետ զբոսնող մարդու նկատմամբ. ՄԻՊ
Անթույլատրելի է բռնության ցանկացած դրսեւորում, առավել եւս խիստ անթույլատրելի է բռնությունը...
Քոչարյանին ազատ արձակելու դեմ բողոքող ցուցարարների երթն ավարտվեց. որոշեցին վաղը կրկին հավաքվել. Կլինի երթ
Իմ առաջարկն է՝ ժամանակ տալ դատարանին, որ մինչեւ երկուշաբթի ժամը 16-ը կալանավորի Ռոբերտ Քոչարյանին...
Քոչարյանին ազատ արձակելու դեմ բողոքող ցուցարարները երթ են անցկացնում Երեւանում
Նշենք, որ այսօր՝ մայիսի 18-ին, Երեւանի ընդհանուր իրավասության դատարանում ՀՀ երկրորդ նախագահ Ռոբերտ Քոչարյանին կալանքից ազատելու որոշումից հետո...
Դատախազությունը կարող է բողոքարկել Քոչարյանին կալանքից ազատելու որոշումը. Դատախազության պատասխանը՝ Ալումյանին
Դատարանի վերոնշյալ որոշումը դատախազության կողմից բողոքարկելու հնարավորության մասին հայտարարությունը լիովին իրավաչափ է...
Միջադեպ Ազատության հրապարակում. հարձակվել են Հրանտ Մարգարյանի վրա
Ռոբերտ Քոչարյանին ազատ արձակելու դեմ ակցիա է ընթանում Ազատության հրապարակում...
Փողոցային ճնշումը խաթարում է արդար եւ ազատ դատաքննություն վարելու հիմքերը. ՀՅԴ ԳՄ հայտարարությունը
Հավատալով, որ դատարանը հավատարիմ կմնա անկախ եւ ճնշումներից զերծ որոշում կայացնելու իր սահմանադրական հանձնառությանը...