News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.09
Տեսնել լրահոսը

Ռոբերտ Քոչարյանին ծաղրելու գործին լծվել են իշխանության եկած Նիկոլի թիմի անդամները, որոնք պետական պաշտոններ զբաղեցնելով անգամ՝ այդպես էլ չհասկացան, որ ի պաշտոնե պետք է լինեն բոլորի իշխանությունը, այլ ոչ թե միմիայն իրենց թիմակիցների։ Այս մասին ֆեսբուքյան գրառում է արել վերլուծաբան Արգիշտի Կիվիրյանը։

Նրա գրառման մեջ, մասնավորապես, ասված է․

«Մի բան ասեմ։ Անկախ, թե ոնց ես վերաբերվում մարդուն, բանտում նստածին ծաղրելը մեղմ ասած գյադայություն ա։ Ու դեռ մի կողմ, երբ դա անում են ասենք ինտելեկտով չծանրաբեռնված շարքային պլեբսը, բայց երբ Ռոբերտ Քոչարյանին ծաղրելու գործին լծվել են իշխանության եկած Նիկոլի թիմի անդամները, որոնք պետական պաշտոններ զբաղեցնելով անգամ այդպես էլ չհասկացան, որ ի պաշտոնե պետք ա լինեն բոլորի իշխանությունը, այլ ոչ թե միմիայն իրենց թիմակիցների, հասկանում ես, որ գործ ունես ոչ թե պետական գործիչների, քաղաքական արժեհամակարգ կրողների, այլ էլեմենտար թափթփուկների հետ, որոնք զուրկ են ոչ միայն պետական մտածելակերպից, այլ նաեւ տղամարդուն բնորոշող հատկանիշներից, որոնք չեն էլ հասկանում, որ բանտարկված, այսինքն սահմանափակված իրավունքներով անձին ծաղրելը բնորոշ է միմիայն թուլամորթ եւ բարոյազուրկ մարդկանց։

Օրինակ՝ ես 1996 թվականի կեղծած ընտրությունների կապակցությամբ տեղի ունեցած զարգացումների հետ կապված մոտ մեկ տարի անցկացրել եմ բանտում, անցնելով այն ժամանակվա իրավապահ մարմինների բոլոր դաժանությունների միջով, բայց եթե վաղը Լեւոն Տեր-Պետրոսյանին նստացնեն այդ կեղծված ընտրությունների գործով, ապա ոչ միայն իրեն չեմ ծաղրի, ու կպահանջեմ որ իր նկատմամբ ամենը իրականացվի միմիայն օրենքով, այլ կարող ա իրեն հանձնուք էլ տանեմ ու միջնորդեմ, որ մինչեւ դատավճիռը խափանման միջոց կալանավորումը չկիրառվի....

P.s. Այ եթե Ռոբերտ Քոչարյանը նորից կունենա իշխանություն, հույսով եմ, որ այս նույն մարդիկ կկրկնեն իրենց բոլոր ծաղրանքները, այդ թվում դեմ առ դեմ...»։

Նշենք, որ Ռոբերտ Քոչարյանի գործով դատավարությանը արձագանքել են իշխանական թեւի մի շարք ներկայացուցիչներ, իսկ այսօր ծաղրական բնույթի գրառում  է արել ՀՀ կառավարության աշխատակազմի ղեկավար Էդուարդ Աղաջանյանը․

«Քոչարյանին մեկը կարող է՞ ասել «դու» չէ «դուՔ»: Էն «Ունդունումն» ու «Ծիգռանը» մի կերպ կտանենք»,- գրել է նա։

Տպել
Կարդացեք նաև
Ամբողջը
ՄԻԵԴ-ը Մեծ պալատ է ձեւավորել՝ Ռոբերտ Քոչարյանի գործով ՍԴ-ին խորհրդատվական կարծիք տալու համար
Մեծ պալատի նախագահը հրավիրել է Սահմանադրական դատարանի դատավարության կողմերին, մասնավորապես Ազգային ժողովին...
Դա անհեթեթություն է․ Լևոն Քոչարյանը՝ վիրահատությամբ դատը ձգձգելու շահարկումների մասին
Այսինքն՝ կան մարդիկ, ովքեր կարծում են, որ դատը ընդամենը մի քանի օրով հետաձգելու համար մարդ պատրաստ է վիրահատվե՞լ․․․․
Ի պաշտպանություն Ռոբերտ Քոչարյանի hայտարարությունը համալրվել է բազմաթիվ աջակիցներով
Հայաստանից, Արցախից եւ Սփյուռքից սոցիալական ցանցերի էջերում հայտարարությանը միացել է շուրջ 2300 մարդ…
Երկրորդ նախագահը պետք է ազատ արձակվի․ հայտարարություն
Սրընթաց ձևավորվում է մի մթնոլորը, երբ բոլորը հավասարաչափ դառնում են անպաշտպան՝ անօրինականությունների առաջ…
Ռոբերտ Քոչարյանը վիրահատությունից հետո իրեն լավ է զգում. Վիկտոր Սողոմոնյան
Ռոբերտ Քոչարյանի վիրահատությունը հաջող է անցել...
Ռոբերտ Քոչարյանին վիրահատել են «Իզմիրլյան» բժշկական կենտրոնում. Այն հաջող է անցել
Ավելի վաղ NEWS.am-ը հայտնել էր, որ երեկ՝ հոկտեմբերի 8-ի առավոտյան, Քոչարյանին հետազոտության նպատակով առավոտյան դարձյալ տեղափոխել էին «Իզմիրլյան» բժշկական կենտրոն...
Ամենաշատ
Ֆոտոռեպորտաժներ