Հանգստյան օրերին ԱՄՆ-ի կենտրոնական եւ արեւմտյան հատվածներում սպասվում է ամպրոպ, ջրհեղեղ եւ տորնադո, հաղորդում է Fox News-ը՝ հղում կատարելով Ազգային օդերեւութաբանական ծառայությանը:
Մասնավորապես, ծառայության նախազգուշացումը վերաբերում է Միսիսիպիի հայթավայրին եւ հովիտներին:
Կործանարար քամիներն ու անսպասելի ջրհեղեղն ակնկալվում են հանգստյան օրերի ընթացքում: Երկրի որոշ շրջանների բնակիչները կարող են դառնալ կարկուտի եւ տորնադոյի ականատես:
Օդի ջերմաստիճանը զգալի կնվազի:
Հորդառատ անձրեւները կարող են դառնալ ջրհեղեղի պատճառ Այովա նահանգի հարավ-արեւմուտքում եւ Նեբրասկայի հարավ-արեւելքում:
Տորնադոն սպառնում է Միսուրի, Կանզաս, Արկանզաս, Օկլահոմա եւ Տեխաս նահանգներին:
Բացի այդ, երկրի հյուսիս-արեւմուտքում՝ լեռներում, կտեղա ավելի քան 30 սմ ձյուն:
Վատ եղանակային պայմանների մասին նախազգուշացումը հայտարարվել է կենտրոնական ժամանակով ժամը 17:00-ին: