News
Լրահոս
News
Երկուշաբթի
Հոկտեմբեր 21
USD
476.32
EUR
531.95
RUB
7.48
ME-USD
0.08
Տեսնել լրահոսը

Կիրակի Զուգդիդի քաղաքում ընտրությունների ժամանակ մանր խուլիգանության եւ ոստիկանությանը դիմադրություն ցույց տալու մեղադրանքով Վրաստանի ՆԳՆ-ի աշխատակիցները բերման են ենթարկել presa.ge ընդդիմադիր կողմնորոշում ունեցող տեղեկատվական գործակալության հիմնադիր Գեորգի Կապանաձեին, հաղորդում է ՏԱՍՍ-ը՝ հղում անելով կառույցի մամուլի ծառայությանը:

Վրացական ԶԼՄ-ների տեղեկություններով՝ իրավապահները բերման են ենթարկել Կապանաձեին, երբ նա իր գործընկերների հետ միասին նկարահանում էր ոստիկանության ավտոմեքենաները, որոնցում գտնվում էին բողոքի ցույցը ցրելու համար նախատեսված սարքերը:

Ներկայումս բերման ենթարկվածը տեղափոխվում է Փոթի քաղաքում ժամանակավոր մեկուսարան, որը գտնվում է Զուգդիդիից 60 կմ հեռավորության վրա, պնդում է Rustavi 2 հեռուստաալիքը: «Միասնությունն ուժ է» ընդդիմադիր միության անդամները, որոնք արդեն ժամանում են Զուգդիդիի ոստիկանության վարչության շենքի մոտ, համարում են, որ ՆԳՆ-ն անում է դա միտումնավոր կերպով եւ ընդդիմությունը մասնատելու համար, որի մի մասը ստիպված կլինի մեկնել Փոթի Կապանաձեին պաշտպանելու համար:

Կիրակի Վրաստանում ընթանում են Զուգդիդիի, Մարնեուլիի, Խուլոյի (Աջարիա), Չիտաուրիի եւ Զեստաֆոնիի (Իմերեթի) քաղաքապետերի արտահերթ ընտրությունները, ինչպես նաեւ Մթացմինդա շրջանից խորհրդարանի պատգամավորի միջանկյալ ընտրությունները:

Զուգդիդիի քաղաքապետի պաշտոնում առաջադրվել է Վրաստանի նախկին նախագահ Միխայիլ Սաակաշվիլիի տիկին Սանդրա Ռուլովսը: Նրան առաջադրել է «Միասնությունն ուժ է» ընդդիմադիր շարժումը, որի կազմում է նախկին իշխող «Միասնական ազգային շարժում» կուսակցությունը, որի հիմնադիրն ու գաղափարական առաջնորդը հենց Սաակաշվիլին է: Ռուլովսի գլխավոր մրցակիցը ներկայիս իշխող «Վրացական երազանք – Ժողովրդավարական Վրաստան» կուսակցության թեկնածու Գեորգի Շենգելիան է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ավստրալական թերթերը լույս են տեսել առաջին էջերի մգեցված տեքստերով՝ ի նշան բողոքի
Ավստրալական կարեւոր թերթերի առաջին էջերը լույս են տեսել առաջին էջերի մգեցված տեքստերով...
Շնորհավորում եմ մամուլի աշխատակից բոլոր ընկերներիս ֆեյսբուքում եւ ֆեյսբուքից դուրս. Արշավիր Ղարամյան
Հայ տպագիր մամուլը 225 տարեկան է, 1794թ. հոկտեմբերի 14 - ին Հնդկաստանի Մադրաս քաղաքում հիմնադրվել է առաջին հայկական թերթը…
Մամուլի ազատությունն այն կարեւորագույն արժեքներից է, որն այսօր ունենք Հայաստանում. Փաշինյան
Մամուլը, խոսքի ազատությունը ժողովրդավարության ամենակարեւոր ինստիտուտներից են, որոնց զարգացման գործում մեր կառավարությունը...
Թող որ «Մի՛ վնասիր» հիմնարար սկզբունքը ձեր աշխատանքում մշտապես լինի առաջնային. ՄԻՊ-ի ուղերձը Հայ մամուլի օրվա առթիվ
Խոսքի եւ լրագրողական գործունեության ազատությունը երկրի ժողովրդավարական զարգացման հիմնարար ցուցիչներից է…
Հոկտեմբերի 16-ը Հայ մամուլի օրն է
Հայաստանում հոկտեմբերի 16-ը տպագիր մամուլի աշխատակիցների մասնագիտական տոնն է
Ռուսաստանում առաջին անգամ կիրառել են տուգանք «ֆեյք նորությունների» համար
Մոսկվայի Խորոշեւյան շրջանի դատարանը վարչական տուգանք է նշանակել ցանցային պարբերականին...