News
Լրահոս
News
Չորեքշաբթի
Հունիս 26
USD
477.07
EUR
542.91
RUB
7.61
ME-USD
0.16
Տեսնել լրահոսը

Պետք է ժամ առաջ հայտարարություններից անցնել համակարգային եւ անշրջելի բարեփոխումների իրականացման՝ Հայաստանն այլեւս սպասելու ժամանակ չունի: Այս մասին հայտարարություն էբտարածել «Ազատ դեմոկրատներ» կուսակցությունը:

Հայտարարությունում, մասնավորապես, ասվում է.

«Ազատ դեմոկրատներ կուսակցությունը վստահ է, որ պետության զարգացման եւ ժողովրդավարացման կարեւոր ցուցիչներից մեկը դատական իշխանության անկախությունն ու դրա նկատմամբ հասարակական վստահության բարձր մակարդակն է:

ՀՀ Սահմանադրության 4-րդ հոդվածը փաստում է, որ պետական իշխանությունն իրականացվում է Սահմանադրությանը եւ օրենքներին համապատասխան՝ օրենսդիր, գործադիր եւ դատական իշխանությունների բաժանման ու հավասարակշռման հիման վրա:

Տրամաբանական էր, որ նախորդ տարվա ապրիլ-մայիս ամիսներին Հայաստանում տեղի ունեցած իրադարձություններին պետք է հաջորդեին մի շարք գործընթացներ, որոնք պետք է միտված լինեին թե՛ օրենսդիր, թե՛ գործադիր եւ թե՛ դատական իշխանության ճյուղերում առկա իրավիճակին պատշաճ գնահատական տալուն եւ այդ ոլորտներում արմատական եւ համակարգային հստակ եւ այդքան անհրաժեշտ փոփոխություներ իրականացնելուն:

Հստակ է, որ օրենսդիր եւ գործադիր մարմնում բացարձակ մեծամասնություն ունեցող օրվա իշխանությունները 2018թ. դեկտեմբերի 9-ից հետո ավելի քան բավարար ժամանակ ունեին վերը նշված ոլորտներում առկա խնդիրների քաղաքական գնահատականը տալու եւ համակարգային փոփոխությունների ռազմավարություն մշակելու եւ իրականացնելու համար:

Ցավոք, վերջին օրերին տեղի ունեցած զարգացումները, դրանց շուրջն ընթացող հասարակական բողոքի ակցիաները ցույց տվեցին, որ հասարակական-քաղաքական տարբեր խմբերի կողմից երբեմն գիտակցաբար, երբեն նաեւ ոչ դիտավորությամբ տեղի է ունենում հասարակության տարբեր շերտերի բեւեռացում, քաղաքական եւ պետական ինստիտուտների թուլացում, որը ոչ մի կերպ չի բխում Հայաստանի Հանրապետության շահերից:

Տեղին է նաեւ շեշտել,  որ Հայաստանի հասարակության բեւեռացումը եւ շերտավորումը՝ թե՛ սոցիալական եւ թե՛ քաղաքական, ավելի քան տասնամյակների արմատներ ունի, ինչն էլ հանգեցնում է ինքիշխանության եւ պետական ինստիտուտների թուլացման, որի հետեւաքով Հայաստանը կորցնում է իր դիմադրողականությունը: 

Այն, որ Հայաստանում դատական իշխանության եւ իրավական համակարգի նկատմամբ առկա անվստահությունը մեծ է, որեւէ մեկի համար նորություն չէ: Արդարադատության համակարգի բացերի, ավելին՝ դրա բացակայության մասին խոսվել է բազմիցս, սակայն այդ խնդրի լուծման ուղղությամբ էական քայլեր չեն արվել:

Ազատ դեմոկրատներ կուսակցությունը կոչ է անում ՀՀ իշխանություններին թե՛ դատական համակարգում եւ թե՛ իշխանության մնացած ճյուղերում փոփոխությունների մասին հայտարարություններից ժամ առաջ անցնել իրական, համակարգային եւ անշրջելի փոփոխությունների իրականացման գործուն քայլերի, քանզի Հայաստանը եւ ՀՀ առջեւ ծառացած մարտահրավերները մեզ այլեւս սպասելու ժամանակ չեն տալիս:

Մեր գնահատմամբ՝ դատարանների շրջափակման վերաբերյալ վարչապետի կոչը չի կարող լինել նշյալ խնդրի լուծումը, ավելին՝ դա համարում ենք անթույլատրելի: Վստահ ենք, որ դատական համակարգի այս իրավիճակի պատճառը ոչ թե պրոֆեսիոնալների բացակայությունն է այդ համակարգում, այլեւ տարիներ շարունակ քաղաքական մեծամասնության կողմից այդ համակարգի, որպես իշխանության անկախ ճյուղի կայացման հետեւողական խոչընդոտումը եւ ընտրովի արդարադատության իրականացումն է եղել: 

Համոզված ենք, որ դատական իշխանության կայացման գործընթացը պետք է լինի բացառապես իրավական ճանապարհով եւ ունենալով բացարձակ մեծամասնություն ՀՀ վարչապետը պետք է ժամ առաջ սկսի հասարակական-քաղաքական երկխոսություն: Օրենսդրական ճանապարհից զատ, մնացած բոլոր ճանապարհները ոչ միայն անընդունելի են, այլեւ հղի մի շարք վտանգներով, որոնք կարող են բացասաբար ազդել թե՛ մեր պետության միջազգային վարկանիշի եւ թե՛ իրապես անկախ եւ ինքնաբավ դատական համակարգ կայացնելու գործընթացի վրա:

Տպել
Կարդացեք նաև
Ամբողջը
«Ժողովուրդ». Նոր մանրամասներ վեթինգից. Հայտնի են ժամկետներն ու մեխանիզմները
Աշնանը նախագիծն ամբողջությամբ կընդունվի...
«Հրապարակ». Ուշագրավ տրանսֆորմացիա. ցույց ցրողից՝ ցուցարար. Ռոբերտ Մելքոնյանը՝ ՎԵՏՕ-ի անդամ
Երեւանի նախկին փոխոստիկանապետ Ռոբերտ Մելքոնյանը, որ ժամանակին Վալերի Օսիպյանի հետ ցույցեր էր ցրում...
«Հրապարակ». Ուշագրավ տրանսֆորմացիա. ցույց ցրողից՝ ցուցարար. Ռոբերտ Մելքոնյանը՝ ՎԵՏՕ-ի անդամ
Երեւանի նախկին փոխոստիկանապետ Ռոբերտ Մելքոնյանը, որ ժամանակին Վալերի Օսիպյանի հետ ցույցեր էր ցրում...
«Հրապարակ». «ՍԴ լիազորություններին տիրանալը իշխանազավթում է». Գեւորգ Կոստանյան
Վստահ եմ, որ ՍԴ-ն շարունակելու է իր գործունեությունը Սահմանադրությամբ եւ օրենքներով...
«Ժողովուրդ». Տիգրան Ավինյանը կառավարություն է կանչել ՔԿ ծառայության պետին. պաշտոնանկություն կլինի՞
Ձեր կողմից նշված հանդիպումը կայացել է...
«Փաստ». Նախկին շեֆին տեսնելու հնարավորություն՝ քեֆերի ժամանակ. Սերժ Սարգսյանն առանձնակի ջերմություն ցույց չի տալիս
Նախկին ՀՀԿ-ականները փորձում են «մոտենալ ու շփվել» Ազատիչի հետ...