News
Լրահոս
News
Չորեքշաբթի
Հունիս 19
USD
477.78
EUR
534.35
RUB
7.43
ME-USD
0.14
Տեսնել լրահոսը

Հեղափոխությունից հետո այս մեկ տարին Հայաստանում դատական համակարգն առանց կառավարության միջամտության եւ ազդեցության է գործել։ Այս մասին Facebook-ի իր էջում գրել է ԱԺ փոխնախագահ, «Իմ քայլը» խմբակցության անդամ Լենա Նազարյանը:

Նա, մասնավորապես, նեշլ է. «Այս մեկ տարին այն ժամանակն էր, որի ընթացքում դատական մարմինները պետք է արձագանքեին Հայաստանում տեղի ունեցող ժողովրդավարացման գործընթացին։

Պետք է ինքնամաքրվեին, սեփական համակարգի արատները վեր հանեին, հրաժարվեին հին սովորություններից ու պրակտիկաներից։ Պետք է ազատվեին կոռումպացված եւ հին համակարգի հետ մասնավոր շահերով կապված դատավորներից։ Եվ պետք է գնային ՀՀ-ում իրապես անկախ դատական իշխանություն ձեւավորելուն։ Սակայն դա տեղի չունեցավ։ Դատական համակարգը մնաց անհաղորդ ժողովրդի պահանջներին եւ հեղափոխության բերած ժողովրդավարության եւ մարդու իրավունքների գերակայության սկզբունքներին։ Դատարանները մնում են անվստահելի առանց բացառության ԲՈԼՈՐ կողմերի համար, այդ անվստահությունը ճգնաժամեր է առաջացնում։

Այսօրվա ժողովրդական ակցիայով մենք ցանկանում ենք, որ դատարանները եւ դատական ողջ համակարգը առերեսվի Հայաստանում ժողովրդավարության անշրջելիության փաստին, պարտավորված զգա իրական եւ խորքային ռեֆորմներով արձագանքել մեր երկրի փոփոխություններին։ Ես ակնկալում եմ, որ մեր այս ակցիան վերջապես թմբիրից կարթնացնի դատավորներին եւ դատական համակարգին կպարտադրի լուրջ ռեֆորմների գնալ։

Կոչ եմ անում նաեւ ակցիայի մասնակից համաքաղաքացիներին դատավորների եւ դատարանների աշխատակիցների նկատմամբ հարգալից լինել, որեւէ անկարգության կամ սադրանքի չտրվել։

Մենք ձեւավորում ենք Հայաստան, որտեղ ժողովրդավարությունը եւ մարդու իրավունքները գերակա են, որտեղ բռնությունները, կոռուպցիան եւ անարդարությունը տեղ չունեն»:

Հիշեցնենք, որ երեկ Նիկոլ Փաշինյանը կոչ էր արել այսօր առավոտյան, ժամը 8.30–ից փակել բոլոր դարանների մուտքերն ու ելքերը։ Սա մի շարք հասարակական կազմակերպություններ որակել են որպես սահմանադրական կարգի տապալում։ Հայտարարություններով են հանդես եկել մի շարք կուսակցություններ, այդ թվում ՀՀԿ-ն ու ՀՅԴ-ն:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Իմ էջը փակելու տեղը, ձեր երկրում Սահմանադրական կարգը պահպանեք». Արա Վարդանյանը՝ Արմեն Սարգսյանին
Արա Վարդանյանի էջը ոչ դուք էք բացել, ոչ էլ դուք կարաք փակեք...
Ես չեմ կարող սահմանադրական փոփոխություններ նախաձեռնել. Վահե Գրիգորյան
Վավեր հանրաքվեի միջոցով պետք է հաստատվի Սահմանադրությունը, որպեսզի հանրության մեջ բացառվեն կեղծ հանրաքվե կամ կեղծ ընտրություններ բառակապակցությունները…
Իշխան Զաքարյանը հանդիպել է Արթուր Վանեցյանին
Հանդիպման ընթացքում քննարկվել են ֆուտբոլին և ֆուտզալին առնչվող հարցեր: Իշխան Զաքարյանը նշել է, որ ֆուտբոլը և ֆուտզալը համահայկական խաղերի…
Ինձ համար ամենանախընտրելի տարբերակը կլիներ ներողություն խնդրելը եւ այդքանով թեման փակելը. Վահե Գրիգորյան
Ըստ նրա՝ նախագահ Սարգսյանի կողմից իրեն ՍԴ անդամի պաշտոնում ներկայացնելը, երբ ինքը ժամանակին քննադատել է նրան, շատ ավելի ուսուցողական է, քան եթե նա ներկայացներ մի թեկնածուի, ով իրեն մշտապես գովաբանել է…
«Հայաստան» համահայկական հիմնադրամը պետք է դառնա մեր համազգային բյուջեն. Նիկոլ Փաշինյան
Ես համաձայն եմ Հանրապետության նախագահի հետ, որ նոր ժամանակներում մենք պետք է նորովի դիտարկենք․․․
Որոշ ուժեր Հայաստանում նպաստում են մեր պոտենցիալի իմիջի խեղաթյուրմանը. վարչապետ
Որոշ ուժեր նպաստում են մեր պոտենցիալի իմիջի խեղաթյուրմանը...