News
Լրահոս
News
Չորեքշաբթի
Հոկտեմբեր 16
USD
476.76
EUR
526.2
RUB
7.42
ME-USD
0.08
Տեսնել լրահոսը


Ո՞ւմ է մեղադրանք առաջադրվել 10 զոհի համար, ոչ մեկին: Այս մասին այսօր՝ մայիսի 20-ին, ասաց  Յուրի Խաչատուրովի պաշտպան Միհրան Պողոսյանը, ով եկել էր Երեւանի ընդհանուր իրավասության դատարան, եւ ցանկանում էր մտնել, սակայն ակցիայի մասնակիցները թույլ չէին տալիս: Պողոսյանն ասաց, որ Գլխավոր դատախազությունն այդ փաստը պետք է հիմք ընդունի որպես հանցագործություն, քանի որ խոչընդոտում են իր գործունեությանը:

Միհրան Պողոսյանը բանավեճի բռնվեց մի կնոջ հետ, որը հիշատակեց մարտի 1-ի 10 զոհերին. «Դուք տեղեկացվա՞ծ եք, թե ինչ 10 զոհի մասին է խոսքը:  Ո՞ւմ է մեղադրանք առաջադրվել 10 զոհի համար, ոչ մեկին, որովհետև էդ ժամանակ, էս բացահայտումները, որ անում են, հիմա էլ ոչ ոք ոչ մի բան չի բացահայտում։ Որովհետև ձեզ ուղղորդում են, դուք ասում եք 10 զոհի համար: Ես էլ եմ ուզում, որ 10 զոհի պատասխանատուները բացահայտվեն, էս պահի դրությամբ որեւէ անձի մեղադրանք առաջադրված չէ որեւէ անձի սպանության համար։ Նախորդ եւ նոր իշխանության օրոք էլ մեղավորին որոշում է դատարանը»,- ասաց նա:

Պաշտպանը  նշեց, որ եթե  ՀՀ վարչապետ Նիկոլ Փաշինյանը կոչ չաներ հավաքվել դատարանի մոտ, որեւիցե մեկը չէր գնա դատարան. «Դատարանները մնացել են միակ մարմինները, որ ապօրինություններին փորձում են խոչընդոտել: Երբ իշխանությանը ոչ հաճո որոշում է կայացվում, միանգամից դատարաններն են արգելափակում»,- ասաց Պողոսյանը:

Հիշեցնենք, որ երեկ Նիկոլ Փաշինյանը ֆեյսբուքյան իր էջում գրառում էր կատարել՝ կոչ անելով առավոտյան 8:30 փակել հանրապետության բոլոր դատարանների ելքերն ու մուտքերը, այնպես, որ ոչ ոք ներս չմտնի: Ավելի վաղ մեկ այլ գրառմամբ նա հայտնել էր, որ 12:00-ին ուղիղ եթերով ելույթ կունենա՝ դատաիրավական համակարգում հաստատված իրավիճակի եւ այս ասպարեզում եւս ժողովրդի իշխանությունը հաստատելու մասին: Այնուհետեւ ֆեյսբուքյան ուղիղ եթերում վարչապետը կոչ արեց քաղաքացիներին, որ 13:30 բացեն բոլոր դատարանները:

Հավելենք, որ երեկ Նիկոլ Փաշինյանի այս կոչը մի շարք հասարակական կազմակերպություններ որակել են որպես սահմանադրական կարգի տապալում։ Հայտարարությամբ են հանդես եկել նաեւ մի շարք կուսակցություններ, այդ թվում՝ ՀՀԿ-ն ու ՀՅԴ-ն, ինչպես նաեւ խորհրդարանում ներկայացված «Լուսավոր Հայաստան» եւ «Բարգավաճ Հայաստան» կուսակցությունները:

ՀՀ Մարդու իրավունքների պաշտպան Արման Թաթոյանը հայտարարություն է տարածել, որում նշել է, որ վարչապետի կոչը խիստ վտանգավոր է երկրի իրավական համակարգի անվտանգության ու կայունության համար:

Ուղերձով է հանդես եկել Գարեգին Բ ամենայն հայոց կաթողիկոսը. «Կոչ ենք ուղղում մեր ժողովրդի բոլոր զավակներին` ցուցաբերել հանդարտություն, զերծ մնալ բռնություններից, խաղաղությամբ, ազգային միասնության ոգով եւ միմյանց նկատմամբ սիրով առլեցուն ներդնելու բոլոր ջանքերը` հաղթահարելու համար մեր առջեւ ծառացած մարտահրավերները»:

Տպել
Կարդացեք նաև
Ամբողջը
«Հրապարակ». «Երկիր-«Հայկական ժամանակ». Միքայել Մինասյանի հոդվածը
Նիկոլ Փաշինյանը երկիրը կառավարում է ճիշտ այնպես, ինչպես ժամանակին ղեկավարել է «Հայկական ժամանակ» օրաթերթը...
«Հրապարակ». «Իմ քայլում» շտապ հավաք է եղել. Հրայր Թովմասյանից ազատվելու երեք տարբերակ են քննարկել. Որի՞ վրա են կանգնել
Այս սցենարն իմքայլականներն առավել հավանականն են համարում…
«Իրավունք». «Լուսավոր Հայաստանը» իշխանությունից նոր ակնկալիք ունի
Հիշեցնենք, որ Վանաձորում առ այսօր քաղաքապետի պաշտոնը զբաղեցնում է ՀՀԿ-ական Մամիկոն Ասլանյանը, իսկ...
«Փաստ». Անցումայինի «կնքահոր» գաղտնի այցը
«Փաստ» թերթի՝ գաղտնի մնալ ցանկացող աղբյուրի փոխանցմամբ, այս օրերին Հայաստան է ժամանել անցումային արդարադատության փորձագետ Ռուբեն Կարանզան, որը Հայաստանի արդարադատության ոլորտի հետ կապված հատուկ զեկույց է պատրաստում, եւ չի բացառվում, որ առաջիկայում դրա մասին իշխանական խողովակներով փոքր «դոզաներով» տեղեկություններ նետ...
«Հրապարակ». Իշխանության եւ Վահե Գրիգորյանի միջեւ անջրպետ է առաջացել. Վերջինս համոզում է անցնել իր նամակի 2-րդ կետին
ԱԺ-ն պետք է դիմի սահմանադրական իրավասու մարմիններին...
«Ժողովուրդ». Ինչո՞ւ է Վիգեն Սարգսյանին որպես մեղադրյալ ներգրավելու մասով քրգործը «շրջում» քննչականներում
«Ժողովուրդ» օրաթերթը տեղեկացրել էր, որ ՀՔԾ-ից էլ քրգործը հոկտեմբերի 4-ին ուղարկվել է դատախազություն...
Ամենաշատ