News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

Ընդերքի օգտագործման արդյունքները պետք է հասանելի լինեն երկրի քաղաքացիներին, բոլորին, ոչ թե առանձին խմբերի: Այս մասին, այսօր՝ մայիսի 21-ին, Գիտությունների ազգային ակադեմիայում «Տնտեսական հեղափոխության հիմնարար ուղենիշերը Հայաստանի Հանրապետությունում» գիտաժողովի ժամանակ հանքարդյունաբերության վերաբերյալ իր զեկույցի ժամանակ նշեց տնտեսագետ Վահագն Խաչատրյանը:

Նրա խոսքով, Հայաստանում ընդերքի օգտագործման արդյունքներից օգտվողները սահմանափակ են. «ՀՀ-ում հանքարդյունաբերության ոլորտի պատասխանատուները չունենալով այդ ոլորտի զարգացման ռազմավարական ծրագիր, նպաստել են հանքարդյունաբերության տարերային զարգացմանը, որն իր հերթին կարող է դառնալ աղետների պատճառ: Որոշ հանքերի շահագործման դադարեցման փաստը դրանով է պայմանավորված:

Այն ներուժը, որ ունի հանքարդոյւնաբերությունը, պետք է օգտագործել, բայց պետք է օգտագործել նորովի՝ կառավարության ծրագրում ամրագրված նոր սկզբունքների համապատասխան»,-ասաց Խաչատրյանը:

Նրա կարծիքով՝ անհրաժեշտ է հանքարդյունաբերության համապափակ քաղաքականության մշակում, որը կհավասարակշռի բնապահպանության ու տնտեսական նժարները:

Վահագն Խաչատրյանը նշեց, որ 2017-ին հանքարդյունաբերությունում զբաղվածները կազմել են ընդհանուր զբաղված բնակչության 0,7 տոկոսը, սակայն այդ ընկերությունների հարկերը կազմել են 7,1 տոկոս: Հանքարդյունաբերությունը ՀՆԱ-ում կազմել է 3,7 տոկոս:

Նա անհրաժեշտ համարեց ոլորտի ռազմավարական զարգացման ծրագիր մշակել, խրախուսել պոչամբարների վերամշակումը, նվազագույնի հասցնել հանքերի շահագործման հետեւանքով շրջակա միջավայրի վնասները, արագացնել նոր պղնձաձուլարանի կառուցումը:

Տնտեսագետը նկատեց, որ հանքարդյունաբերությունում գործող ընկերությունները հիմնականում գրանցված են օֆշորային գոտիներում կամ փոխկապակցված են դրանցում գրանցված ընկերությունների հետ: Այս ոլորտում չկան պետական ընկերություններ. «Ռուսական ընկերությունները շահագործում են հանքավայրերի զգալի մասը՝ Սոթքի, Կապանի ոսկու հանքավայր, Ագարակի, Թեղուտի պղնձամոլիբդենային հանքավայրեր: Կան նաեւ անգլիական եւ այլ ծագում ունեցողներ, սակայն դրանց ծագումը կասկածելի է»:

Տպել
Կարդացեք նաև
Ամբողջը
Մհեր Գրիգորյանը շնորհակալություն է հայտնել ԱՄՀ-ին Հայաստանին աջակցելու համար
Հանդիպման ընթացքում երկուստեք կարեւորվել է այս տարվա մայիսին ԱՄՀ գործադիր խորհրդի կողմից հաստատված ծրագիրը…
Ավտոմաքսատունը Գյումրի տեղափոխելու տնտեսական էֆեկտը արդեն զգացվում է. Շուշան Ներսիսյան
Էն փաստը, որ այսօր տարբեր ավտոներմուծող կազմակերպություններ արդեն իսկ տարածքներ են վարձել…
Սահմանվել է վերահսկողություն կերակրի աղի նկատմամբ․ ՍԱՏՄ
Նշենք, որ հանրային սննդի օբյեկտները, սննդի արտադրությամբ զբաղվող կազմակերպությունները կամ անհատ ձեռնարկատերերը պարտավոր են Հայաստանի…
Գյումրիի Հյուսիսային ավտոմաքսատանը 30 հոգի արդեն ընդունվել են աշխատանքի, մնացածը Երեւանից են գալու. ՊԵԿ տեղակալ
ՊԵԿ տեղեկալը հավելեց, որ Գյումրիի աշխատակիցներն ընտրվել են գիտելիքների հիման վրա…
Երբ կսկսի գործել Գյումրիի նոր ավտոմաքսատունը․ պարզաբանում է ՊԵԿ նախագահի տեղակալը
Աշխատանքներն ընթանում են աննկարագրելի թափով…
«Ստվերի դեմ պայքարում աննախադեպ ծավալի հաջողություններ ունենք, բայց դա առավելագույնը չէ». ՀՀ վարչապետ
Վարչապետը նաեւ հավելեց, որ տնտեսական աճի եւ ակտիվության խթանումն ունի ոչ միայն ֆինանսական բաղադրիչ, այլ հոգեբանական բաղադրիչ...
Ամենաշատ