News
Լրահոս
News
Երեքշաբթի
Մարտ 19
Տեսնել լրահոսը

Այն ինչ ուներ ասելու վարչապետը դատավորների եւ դատական համակարգի հետ կապված, շատ ռացիոնալ մտքեր կային, որոնց մասին խոսել է նաեւ ԲՀԿ-ն: Այս մասին, այսօր՝ մայիսի 21-ին, ԱԺ-ում լրագրողների հետ զրույցում նշեց ԲՀԿ խմբակցության պատգամավոր Նաիրա Զոհրաբյանը՝ անդրադառնալով երեկ տեղի ունեցած դատարանների շրջափակման դեպքին եւ Նիկոլ Փաշինյանի ելույթին:

«Այո, մեր իրավական, դատական համակարգը լրջագույն հեղափոխական փոփոխությունների կարիք ունի, դա ընդունելի է, բայց դատարանները շրջափակելու հակասահմանադրական կոչը, որ արվեց, ես նորից կրկնում եմ, եւ´ մեր հայտարարության մեջ նշված էր, որ մենք դա համարում ենք հակասահմանադրական կոչ, մենք դա համարում ենք  Հայաստանի միջազգային հեղինակությանը մեջքից ուղիղ հարված, եւ պատահական չէ, որ միջազգային կազմակերպությունները բավականին կոշտ գնահատական տվեցին տեղի ունեցածին»,- ընդգծեց Զոհրաբյանը:

Նա հիշեց «ոստիկանը ժողովրդինն է» կարգախոսը՝ նշելով. «Երբ մենք խոսում ենք, որ վերջապես ոստիկանը մերն է, ինձ զարմացնում է մի բան՝ երբ դատավորին թույլ չէին տալիս մտնել իր աշխատասենյակ եւ դատավորի հրեցին,  ոստիկանները կանգնած էին, կանգնած այնպես, ինչպես ժամանակին կանգնում էին, երբ ՀՀԿ-ականներն էին ծեծում-ջարդում ժողովրդին եւ չէին միջամտում, իրենք որեւէ կերպ չմիջամտեցին: Այնպես որ ես ասում եմ՝ Վալերի՛ Օսիպյան, դուք ձեր տեղում չեք, ինչպես նախկինում դուք կատարել եք նախորդ ռեժիմի հանձնարարականները, հիմա էլ կատարում եք այս իշխանության հանձնարարականները»,- ընդգծեց ԲՀԿ-ական պատգամավորը:

Նաիրա Զոհրաբյանն անդրադարձավ նաեւ ՀՀ նախագահին՝ նշելով. «Նա, որը Սահմանադրությամբ երկրի անվտանգության երաշխավորն է, երեկ ուղղակի անդեմ, ավելի կոպիտ բառ չասեմ, հայտարարություն արեց: Ցավոք, դա ՀՀ նախագահի հայտարարություն չէր՝ զգուշավոր, վախվորած, որեւէ ողնաշար չունեցող հայտարարություն էր եւ ես շատ ցավում եմ, որ ՀՀ նախագահը եւս ինչ-ինչ բաներով կաշկանդված չկատարեց երկրի սահմանադրությամբ երաշխավորված իր պարտականությունները»:

Նաիրա Զոհրաբյանը նշեց, որ Արմեն Սարգսյանը պետք է շատ հստակ հայտարարեր, որ կատարվել է հակասահմանադրական քայլ. «Որեւէ իշխանություն իրավունք չունի գրոհի հրաման տալու անկախ իշխանության որեւէ թեւի վրա»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ
Ապա՝ նույն ժամանակահատվածում, պիտանի ինքնաշեն պայթեցման սարքը տեղադրել են Գյուլբենկյան...
«Փաստ».  Բնակիչների հետ հանդիպում, որպես այդպիսին, չի եղել. ի՞նչ են ասել Փաշինյանին Նոյեմբերյանում
Այսինքն, իրական հանդիպում «բնակիչների հետ», որի ժամանակ մարդիկ իրենց կարծիքն ուղիղ կասեին Նիկոլ...
«Հրապարակ». Հանրահավաքը կպառակտի՞, թե՞ կմիավորի
Սակայն պարզվում է, որ որոշ արցախյան գործիչներ վախենում են, թե ՀՀ իշխանությունը «կօգտագործի» առիթը...
«Ժողովուրդ». Վարչապետի եւ ԱԺ նախագահի եղբայրները բիզնեսմեններ են. Փաշինյանը խաբել է. մաս 184
Իշխանափոխությունից հետո Ազգային ժողովի նախագահ Ալեն Սիմոնյանի եղբայրը՝ Կառլեն Սիմոնյանը, տնօրեն է...
«Հրապարակ». Ինչ է քննարկվել ՔՊ խմբակցության փակ նիստում
Ի դեպ, այդ համաձայնագրով եվրադիտորդներին անսահմանափակ իրավունքներ եւ լայն անձեռնմխելիություն է...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Ամենաշատ